Almaty qalasy Alma-Arasan şatqalyndaǧy Terra alaŋy maŋynda aldyn ala mälımet boiynşa jasöspırım jartastan qūlap, aiaǧyn jaraqattap aldy. Būl turaly TJM mälımdedı, dep habarlaidy "Adyrna".
"Oqiǧa kuägerlerı qūtqaruşylardan kömek sūraǧan. Habarlama tüskennen keiın QR TJM "Barys" respublikalyq qūtqaru qyzmetınıŋ qūtqaruşylary Almaty qalasy TJD Qūtqaru qyzmetımen bırlesıp oqiǧa ornyna jedel türde şyqty. Alma-Arasan pansionaty maŋyna jetken soŋ, olar joldy jaiau jalǧastyrdy. Tauly aimaqpen köterılu şamamen 2,5 saǧatty aldy. Qūtqaruşylar zardap şekkendı jedel türde tauyp, onyŋ 15 jastaǧy jasöspırım ekenın anyqtady", – delıngen habarlamada.
Vedomstvonyŋ mälımetınşe, zardap şekken balaǧa qajettı kömek körsetılıp, tasymaldau jūmystaryn bastaǧan. Jasöspırım evakuasiialanyp, Apattar medisinasy ortalyǧynyŋ brigadasyna tapsyrylǧan.
