Memlekettık tıldı qoldau üşın QR Prezidentı Qasym-Jomart Toqaev qazaq tılın qoldau maqsatymen qūrylǧan QAZAQ TILI Endowment Qory-na alǧaşqy jarnany audardy.
Memleket basşysy öz qarajatynan qosqan jeke jarna kölemı – 7 mln. teŋge.
QAZAQ TILI Endowment Qory halyqaralyq «Qazaq tılı» qoǧamdyq ūiymynyŋ bastamasymen qūrylǧan. Negızgı mındetı – memlekettık tıldı qoldau jäne damytumen ainalysatyn elımızdegı eŋ ırı ūiym – «Qazaq tılı» qoǧamynyŋ tūraqty ärı ūzaq merzımdı damuyn qamtamasyz etu.
Biyl 12 qazanda QR Prezidentı Qasym-Jomart Toqaev «Qazaq tılı» qoǧamynyŋ basşysymen kezdesuınde memlekettık tıldı damytu maqsatymen arnaiy endaument qoryn qūru bastamasyna qoldau bıldırgen bolatyn.
Endaument qorynyŋ erekşelıgı – qorǧa jinalǧan qarjy jūmsalmaidy. Qarajat tolyqtai basqaruǧa berıledı jäne investisiialanady. Endaument qorynyŋ investisiialyq qyzmetınen tüsken tabysy benefisiar ūiymnyŋ jarǧylyq mındetterın oryndauǧa jūmsalady. Älem elderınde bılım beru men äleumettık baǧytta jūmys ısteitın qoǧamdyq ūiymdardyŋ tūraqty ärı ūzaq merzımdı qyzmetın qamtamasyz etu üşın endaument qoryn qūru täjıribesı keŋ taralǧan.
Qazırgı taŋda Japoniiadaǧy ǧylym men tehnologiia qory, sonymen qatar Stenford, Garvard universitetterınıŋ qorlary dünie jüzındegı eŋ ırı endaument qorlarynyŋ qataryna kıredı. Elımızde ırı universitetter, mektepter men kommersiialyq emes ūiymdardyŋ endaument qorlary sättı jūmys ıstep jatyr.
QAZAQ TILI Endowment Qory-na jinalǧan qarajatty bedeldı qoǧam qairatkerlerı, ǧalym-lingvister men memleket ökılderınen qūralǧan täuelsız qamqorşylar keŋesı baqylap, qadaǧalaityn bolady.
Endaument qorynan tüsken tabys halyqaralyq «Qazaq tılı» qoǧamynyŋ jūmysyn qamtamasyz etu jäne memlekettık tıldı damytu, modernizasiialau men ony qoldanu aiasyn keŋeituge baǧyttalǧan jobalarǧa grant negızınde berılıp otyrady.
Prezident «Qazaq tılı» qoǧamyna memlekettık tıldegı media jäne baspa kontentın köbeitu üşın naqty jobalar men şaralar keşenın jüzege asyru, tıldı oqytu men üiretu ädıstemesın jetıldıru, oqu sauattylyǧy men jazu mädenietın damytu, sonymen qatar, qazaq tılın qoldau men tıldı qoldanatyn qauymdastyq aiasyn keŋeitu üşın zamanaui tehnologiialyq şeşımderdı keŋınen paidalanudy tapsyrdy.
Halyqaralyq «Qazaq tılı» qoǧamy memlekettık tıldıŋ janaşyrlary atynan QR Prezidentı Qasym-Jomart Kemelūly Toqaevqa bastamaǧa bıldırgen qoldauy men özgelerge körsetken ülgısı üşın alǧys aitady.
«Adyrna» ūlttyq portaly
