1997 jyly 10 jeltoqsanda Qazaqstan astanasy Aqmola qalasyna köşırıldı, dep habarlaidy "Adyrna" tılşısı.
1997 jyly 10 jeltoqsannan bastap Aqmola Qazaqstannyŋ astanasy bolyp resmi türde jariialandy.Jaŋa astanany salu ideiasy eks-prezident Nūrsūltan Nazarbaevqa tiesılı bolǧan.
Almatynyŋ astana därejesın Aqmolaǧa beru turaly şeşım 1994 jyly 6 şıldede Elbasynyŋ ūsynysymen Qazaqstannyŋ Joǧarǧy keŋeste qabyldanǧan. 1997 jyly 20 qazanda Nazarbaev elordany auystyru turaly jarlyqqa qol qoiǧan. Elordany auystyru turaly şeşım qabyldanǧan kezde, Aqmola qalasynda 290 myŋdai ǧana halyq tūrǧan. Tūŋǧyş prezident būl şeşımın «Euraziia jüregınde» atty kıtabynda tüsındırgen:«Aqmola Qazaqstannyŋ geografiialyq ortalyǧy deuge bolatyn, Qazaqstan ekonomikasynyŋ örleuınde jetekşı de öskeleŋ nüktelerı bolyp otyrǧan maŋyzdy şaruaşylyq öŋırlerge jaqyn ornalasqan. Qala ırı kölıktık arnalardyŋ qiylysynda, toǧyz joldyŋ torabynda tūr. Būdan basqa, qala Qazaqstan üşın köptegen şet elge şyǧudyŋ meilınşe töte joly – transeuroaziia arnalaryna taiau qonystanǧan», – dep jazǧan Nūrsūltan Äbışūly.
1997 jyldary stananyŋ ırgetasyn qalaǧandardyŋ bırı, QR eŋbek sıŋırgen säuletşısı Serık Rustambekovtıŋ estelıgınde:
"10 jeltoqsan - men üşın, el üşın ūmytylmas kün. 1991 jyly 10 jeltoqsanda Qazaqstan Respublikasynyŋ Tūŋǧyş Prezidentı ant qabyldady. Men ol kezde Qazaq KSR Joǧarǧy Keŋesınıŋ deputaty boldym. Sodan keiın QazKSR-dı Qazaqstan Respublikasy dep özgertu turaly zaŋ qabyldandy. 1993 jyly 10 jeltoqsanda Qazaqstan Respublikasy Joǧarǧy Keŋesınıŋ tarauy öttı, ol jerde men deputat, qūrylys jäne säulet komitetı töraǧasynyŋ orynbasary boldym. 1997 jyly Aqmola qalasy resmi türde astana bolyp jariialandy. Jinalys ötkızıldı, qalanyŋ kıltı äkelındı. Saltanatty räsım äkımdıktıŋ aldyndaǧy alaŋda öttı. Körermender aldynda mınberde Qazaqstan Respublikasynyŋ Tūŋǧyş Prezidentı söz söiledı, men sol toptyŋ ışınde tūrdym. Kün aiaz boldy. Taŋqalarlyqtai jaŋa qala qūryldy. Astanamyz tek äkımşılık emes, ıskerlık, mädeni jäne sport ortalyǧyna ainaldy. Būl menıŋ jūmysymnyŋ bölıgı", - dedı säuletşı.
