Aýa temperatýrasynyń tómendeýine baılanysty avtokólikte órttiń týyndaý qaýpi artady, dep habarlaıdy «Adyrna» ulttyq portaly QR Tótenshe jaǵdaılar mınıstrligine silteme jasap.
Júrgizýshiler kólikterin jylytqan kezde árdaıym qaýipsiz quraldardy paıdalana bermeıdi. Avtokólikterdiń elektr jabdyqtarynyń jaǵdaıyna erekshe nazar aýdarý kerek. Al qosymsha jabdyqty tek bilikti mamandarǵa ornatqyzǵan jón.
Jyl basynan beri elimizde kólik quraldarynda 2 014 órt tirkeldi.
Kólik quraldarynda órtterdiń paıda bolýynyń negizgi sebepteri avtokólik quralynyń elektr jabdyǵyn ornatý jáne paıdalaný qaǵıdalaryn buzý; gaz jabdyǵyn ornatý; otyn jáne elektr júıesiniń aqaýy; qozǵaltqyshtardy ashyq ot kózderimen jylytý bolyp tabylady.
Kólikte órt qaýipsizdigin qamtamasyz etý maqsatynda TJM bólimsheleri barlyq jerde profılaktıkalyq jumystar júrgizýde.
Bul «GAZBALLON» profılaktıkalyq is-sharasy, avtojoldar men parkıngterdegi reıdtik is-sharalar, jıyndar, dóńgelek ústelder jáne basqalar. Jyl basynan beri avtokólikte paıdalaný kezinde gaz ballondy jabdyqtardyń qaýipsizdik talaptaryn túsindire otyryp, kóp qabatty turǵyn úılerdiń turǵyndarymen 638 reıd, 379 jıyn ótkizildi.
TJM kólikte órttiń aldyn alý úshin azamattardy órt qaýipsizdigi erejelerin saqtaýǵa shaqyrady:
- sýyq mezgilde qozǵaltqyshty jylytý úshin ashyq ot kózderin paıdalanbańyzdar jáne mashınada elektr jabdyqtaryn óz betinshe jóndemeńizder;
- kóliktiń symdary men janarmaı júıelerin múmkindiginshe jıi tekserińizder;
- avtokólikti óz betinshe jóndeý jáne paıdalaný kezinde qaýipsizdik tehnıkasynyń qarapaıym erejelerin saqtańyzdar;
- eger sizder jolda byqsyǵan ıisti sezseńizder, dereý toqtap, ottyqty, múmkin bolsa, akkýmýlıatordy da óshirýińizder;
- órtti bastapqy kezeńde sóndirgishpen sóndirýge tyrysyńyzdar;
- órt kezinde «101» nemese «112» telefondary arqyly habarlańyzdar, oqıǵa ornynyń naqty mekenjaıyn kórsetińizder jáne órt sóndirýshilerdiń kelýin kútińizder.
«Adyrna» ulttyq portaly
