Otandyq kınoındýstrııa álemi tórt serııaly “Qorqyt” bıografııalyq dramasymen tolyqty. Telehıkaıanyń túsirilimi Almaty oblysy men Ózbekstan Respýblıkasyndaǵy Hıýa, Ferǵana, Buqara qalalarynda ótti. Týyndy Qazaqstan ulttyq telearnasynyń tapsyrysy boıynsha túsirildi.
Jobanyń tarıhı keńesshisi ári senarıı avtory – etnograf Berik Júsip. Rejıssery – Qanaǵat Mustafın. Qorqyttyń ár kezeńdegi rólderin Dinıslam Nurmaǵambet, Ádil Ahmetov jáne Aıdos Bektemirsomdaıdy. Sonymen qatar negizgi tarıhı rólderdiErkebulan Daıyrov, Zarına Karmen, Medǵat Ómirálioınaıdy. Serıalda qyrǵyzdyń ataqty manasshysy Rysbaı Isaqov pen tanymal akter Askat Sýlaımanovta boı kórsetedi.
Telehıkaıa sıýjetinde Qorqyttyń dúnıege kelýi, balalyq shaǵy, jetkinshek kezinen bastap, onyń sáýegeı, abyz retinde qalyptasý joly kórsetiledi. Telehıkaıa senarııi álemdik deńgeıde zerttelgen «Qorqyt ata» kitabyna, atap aıtqanda “Salor Qazannyń úıiniń shabylǵany týraly jyr” negizinde túsirilgen.
Joba prodıýseri Sholpan Batyrbaevanyń aıtýynsha, jańa telehıkaıanyń senarııi erekshe bolady.
– Týyndy eń áýeli jas aýdıtorııaǵa arnalyp túsirildi. Qazirgi jastardyń suranysy basqa. Sondyqtan tarıhı fılm, serıal túsirgende jastardyń tilin túsine bilý mańyzdy. Qart Qorqyttyń obrazy jastarǵa qyzyq bolmas edi. Sol úshin túsirilim toby kóp keńesip, hronologııalyq rettilikke, bıografııaǵa negizdelgen sıýjet qurastyrdy, – deıdi prodıýser.
Sholpan Batyrbaeva bul týyndyny halyqaralyq kınoserıal dep ataýǵa tolyq negiz bar deıdi.
– Serıal kastıngine úlken jaýapkershilikpen qaradyq. Akterlar quramynda elimizdegi eń úzdik mamandary jınalǵan. Sonymen qatar tanymal qyrǵyz akteri Askat Sýlaımanov pen áıgili manasshysy Rysbaı Isaqovtyń da rólderi bar. Buǵan qosa qańtar aıyndaǵy túsirilimder Ózbekstan jerinde ótti. Ol kezde túsirilim tobyna ózbektiń kıno salasyndaǵy úzdikteri de qosyldy. Sondyqtan túrki elderi ortaq ańyz jaıly alǵashqy serıalymyz halyqaralyq týyndy deýge bolady, – deıdi joba prodıýseri Sholpan Batyrbaeva.
«Qorqyt ata» tarıhı bıografııalyq dramasy «Qazaqstan» teleradıokorporaııasynyń ózge memleketpen birlese túsirgen alǵashqy telehıkaıasy. Týyndy 16, 17 jeltoqsan kúnderi saǵat 14:40-ta Qazaqstan ulttyq arnasynyń efırinen kórsetiledi. Týyndy týraly aqparatty serıaldyń Instagram paraqshasynan baqylaýǵa bolady.
