Jambylda ardager baluandar jeŋıs tūǧyryna köterıldı

Aǧymdaǧy jyldyŋ 17- 20 mamyry aralyǧynda Türkıstan qalasynda sambodan sport şeberlerı arasynda kezektı Qazaqstan Respublikasynyŋ chempionaty öttı,- dep habarlaidy “ZhambylNews” Aqparattyq Agenttıgı. Elımızdıŋ tükpır-tükpırınen laiyqty därejedegı baluandar qatysqan respublikalyq jarysta Taraz qalasynyŋ qūrama komandasy da küş synasty. Taraz qūramasynyŋ qūramyna Jambyl oblysy Polisiia departamentınıŋ ardagerlerı kırdı, olar joǧary täsıldık sporttyq şeberlıkterın körsetıp, jüldelı oryndarǧa ie boldy. Marat Qoişybek 82 kelıge deiıngı salmaq därejesınde 1-oryndy ielendı. Nūrjan Rysbaev 100 kelıge deiıngı salmaq därejesınde 3-orynǧa taban tırep, Ǧani Tastemırov te 100 kelıden joǧary salmaq därejesınde jüldelı üşınşı orynǧa ie boldy. Ardagerlerdıŋ jarqyn jeŋısterı Jambyl oblysy Polisiia departamentınıŋ jas qyzmetkerlerı üşın ülgı bolyp tabylady, öitkenı būl olardyŋ qyzmetı üşın öte maŋyzdy.