Soŋǧy üş täulık ışınde Tötenşe jaǧdailar ministrlıgınıŋ küşterı 1000-nan astam adamdy, onyŋ ışınde 86 balany qūtqardy. 583 ört söndırılıp, 263 avariialyq-qūtqaru jäne ızdestıru jūmystary jürgızıldı. Būl turaly TJM baspasöz qyzmetı mälımdedı, dep habarlaidy “Adyrna” ūlttyq portaly.
Mälımet boiynşa, ötken täulıktıŋ ışınde TJM qūtqaruşylary jergılıktı atqaruşy organdarmen, polisiiamen, äskeri qyzmetşılermen jäne jol qyzmetterımen bırlesıp 887 adamdy qūtqardy.
«Aua-raiynyŋ naşarlauyna bailanysty avtokölıktıŋ barlyq türlerı üşın respublikalyq jäne oblystyq maŋyzy bar avtojoldardaǧy qozǧalysqa şekteu engızıldı. Soltüstık Qazaqstan oblysynda «Cheliabinsk-Novosibirsk» respublikalyq maŋyzy bar avtojolynda dizel otynynyŋ qatyp qaluy saldarynan Täjıkstannan Reseige bara jatqan jolauşylar avtobusy toqtap qaldy. 31 jolauşy jylytu punktıne ornalastyryldy.
Jambyl oblysynda «Almaty-Taşkent» avtojolynyŋ uchaskesınıŋ jabyluyna bailanysty avtokölıkter keptelısı oryn aldy. Toqtap tūrǧan kölık qūraldarynan 392 adam qūtqaryldy. Onyŋ 221-ı temırjol kölıgımen jöneltıldı. Qalǧan jolauşylar ekı jylytu punktıne ornalastyryldy», dedı TJM baspasöz qyzmetı.
Sonymen qatar, Qordai audanynda qarǧa batyp qalǧan avtokölıkterden 165 adam qūtqarylyp, jylytu punktterıne jetkızılgen.
Al Türkıstan oblysynda TJD küşterı qar borasynynan 287 adamdy qūtqardy, olar üilerıne, temırjol vokzalyna jetkızıldı nemese jylytu punktterıne ornalastyryldy.
Almaty, Jambyl, Türkıstan, Pavlodar oblystarynda ızdestıru-qūtqaru jūmystary sättı aiaqtaldy. Qūtqaruşylar, polisiia qyzmetkerlerı men jergılıktı tūrǧyndardyŋ qūtqaru toptary qolaisyz aua-raiynda mal baǧuǧa jäne mal ızdeuge şyqqan alty adamdy tapty.
«Qysta tötenşe jaǧdailardy boldyrmau üşın, eŋ aldymen, aua-raiynyŋ özgeruın, meteorologiialyq aqparatty, aua-raiynyŋ naşarlauy turaly arnaiy habarlamalardy, joldardyŋ jabyluyn, dauyldy eskertulerdı ünemı qadaǧalap otyru qajet.
Aiazdy künderı peşterdı qyzdyru, jylytqyştardy paidalanu, elektr jüiesın jükteu jäne basqalar saldarynan ört qaupı artady.
TJM dauyldy eskertu kezeŋınde alys saparǧa şyqpauǧa, alys qaşyqtyqqa jaiau jüruden bas tartuǧa keŋes beredı. Örttıŋ aldyn alu üşın jylytu jüielerınıŋ, elektr jabdyqtarynyŋ dūrystyǧyn qadaǧalaŋyzdar, peşterdı qyzdyrmaŋyzdar jäne joǧary quatty qūrylǧylardy bır uaqytta qosu arqyly elektr jüiesın şamadan tys jüktemeŋızder», dep habarlady TJM.
Ūqsas jaŋalyqtar
