Bügın Astanada Diplomatiialyq biznes klub müşelerınıŋ otyrysy ötıp, onda şeteldık diplomattar men biznes-qauymdastyq ökılderı Qazaqstannyŋ investisiialyq mümkındıkterımen, sondai-aq Astanada ötetın 5-şı Düniejüzılık köşpendıler oiyndarynyŋ barysymen tanysty.
Diplomatiialyq biznes klub otyrysyna QR Parlamentı Senatynyŋ Töraǧasy Mäulen Äşımbaev, Diplomatiialyq biznes klubtyŋ teŋ töraǧasy İslambek Saljanov, Syrtqy ıster ministrınıŋ orynbasary Älıbek Baqaev, «Atameken» QR ŪKP Töralqa töraǧasy Raiymbek Batalov, YPO Kazakhstan Töraǧasy Qanat Köpbaev, Qazaqstanda tırkelgen diplomatiialyq ökıldıkterdıŋ basşylary jäne Qazaqstannyŋ biznes-qauymdastyq jetekşılerı qatysty.
Klub müşelerı aldynda söilegen sözınde Mäulen Äşımbaev Memleket basşysy Qasym-Jomart Toqaevtyŋ bastamasymen eldı jaŋǧyrtu baǧytynda keşendı reforma jüzege asyrylyp jatqanyn atap öttı. Bügıngı künnıŋ basty mındetterınıŋ bırı – el damuynyŋ jaŋa ekonomikalyq modelın qalyptastyru.
«Qazaqstan bügınde aşyqtyq qaǧidattaryn ūstanady. Sondai-aq ekonomikalyq, saiasi, mädeni-gumanitarlyq jäne basqa da salalarda özge eldermen jan-jaqty yntymaqtastyqty belsendı damytyp keledı. Diplomatiialyq biznes kluby osy baǧyttaǧy mındetterdı ıske asyruǧa öz ülesın qosady dep senemın», – dedı Senat Töraǧasy.
Öz kezegınde İslambek Saljanov 8 jyl ışınde klubtyŋ şeteldık diplomatiialyq korpus pen Qazaqstannyŋ türlı salalardaǧy ıskerlık qoǧamdastyǧy arasyndaǧy özara ıs-qimyldy damytu jäne nyǧaitu üşın tolyqqandy beiresmi alaŋǧa ainalǧanyn atap öttı.
«Memleket basşysynyŋ saiasi jüienı qaita jaŋǧyrtu jäne äleumettık-ekonomikalyq jaŋǧyrtu boiynşa jürgızgen reformalarynyŋ arqasynda Qazaqstanda biznestı jürgızu üşın teŋ mümkındıkter paida
«Atameken» QR ŪKP Töralqa töraǧasy Raiymbek Batalov öz sözınde Diplomatiialyq biznes klub şeteldık investorlarǧa Qazaqstanda senımdı serıktester tabuǧa mümkındık beretının, būl klubtyŋ negızgı baǧyttarynyŋ bırı ekendıgın atap öttı.
YPO Kazakhstan töraǧasy Qanat Köpbaevtyŋ aituynşa, YPO müşelerı DBK qūrylǧan künnen bastap belsendı türde bırge jūmys ıstep keledı. Onyŋ aituynşa, yntymaqtastyqtyŋ basymdyǧy elder arasyndaǧy özara tiımdı ūzaq merzımdı ıskerlık qarym-qatynastardy qūru jäne būl jerde Diplomatiialyq ıskerlık klub basty röl atqarady.
Kezdesu barysynda Diplomatiialyq biznes klubtyŋ atqaruşy direktory Saiajan Tūiaqova klubtyŋ 2024 jylǧa arnalǧan aldaǧy ıs-şaralary turaly aitty. Olardyŋ qatarynda Qazaqstannyŋ öŋırlerıne diplomatiialyq ökıldıkter basşylarynyŋ ıskerlık turlary, diplomattar üşın biznes-qoǧamdastyq jetekşılerımen ıskerlık taŋǧy as, salalyq ministrlıkterdıŋ basşylarymen kezdesuler, investisiialyq ahual boiynşa türlı leksiialar men seminarlar ötkızu jäne basqa da ıs-şaralar bar.
Sondai-aq, Diplomatiialyq ıskerlık klub müşelerıne aldaǧy qyrküiekte Astanada ötetın 5-şı Düniejüzılık köşpendıler oiyndary tanystyryldy. İslambek Saljanov Ūlttyq sport türlerı qauymdastyǧynyŋ prezidentı bola otyryp, DBK-nyŋ barlyq müşelerın ūlttyq sport türlerı jarystaryna qatysuǧa şaqyrdy.
