Atyrauda mūnai qaldyǧy bar temırjol sisternasy jaryldy. Būl turaly oblystyq tötenşe jaǧdailar departamentı aitty, dep habarlaidy «Adyrna» tılşısı.
Oqys oqiǧa 14 jeltoqsanda jergılıktı uaqytpen saǧat 13:58 şamasynda bolǧan.
«Atyrau qalasyndaǧy oŋtüstık öndırıstık aimaqta ornalasqan «Batys Petroleum» JŞS-ne tiesılı №1 sehtyŋ juu-bulau stansiiasynda jyljymaly temır jol qūramyna tazalau jürgızıldı. Sol kezde mūnai şlamynyŋ qaldyǧy bar sisternada gaz-aua qospasynyŋ dümpuı boldy. Saldarynan seh qūrylymy ışınara qūlady. Jalynnyŋ tūtanuyna bailanysty avtomatty ört söndıru qūrylǧysy ıske qosyldy. «Semser-Ört söndıruşı» JŞS ört söndıru bölımşelerı ört söndıru jūmystaryn jürgızdı»,—delıngen habarlamada.Oqiǧa ornyna Atyrau oblysy Tötenşe jaǧdailar departamentınen 48 qyzmetker men 5 bırlık tehnika, «Apattar medisinasy ortalyǧyn» 3 qyzmetker 1 bırlık tehnika, «Semser-Ört söndıruşı» JŞS 5 adam 1 bırlık tehnika jūmyldyryldy. Zardap şekkender joq.
Ūqsas jaŋalyqtar
