Táýelsizdik kúni – 1986 jylǵy Jeltoqsan oqıǵasynda el armanyn arqalap, alańǵa shyqqan bozdaqtardyń kózsiz erlikteriniń nátıjesi.
1991 jyly 16 jeltoqsanda «Qazaqstan Respýblıkasynyń Memlekettik táýelsizdigi týraly» Konstıtýııalyq zańǵa qol qoıyldy. Qazaqstannyń Memlekettik táýelsizdigi jarııalandy.
Qazaqstannyń Táýelsizdigin resmı túrde eń alǵash bolyp muhıttyń arǵy jaǵynda jatqan Amerıka Qurama Shtattary moıyndady, ekinshi bolyp Qytaı, sonan soń Ulybrıtanııa moıyndady.
Ataýly mereke 1991 jylǵy 16 jeltoqsanda Qazaqstan Respýblıkasynyń Tuńǵysh Prezıdenti N.Á.Nazarbaev qol qoıǵan «Qazaqstan Respýblıkasynyń memlekettik táýelsizdigi týraly» jáne 2001 jylǵy jeltoqsannyń 13-inde «Qazaqstan Respýblıkasyndaǵy merekeler týraly» Qazaqstan Respýblıkasy zańdaryna sáıkes atap ótiledi.
Ótken jyly qabyldanǵan sheshim boıynsha, Táýelsizdik kúni jeltoqsan oqıǵasyn eske alý kúni retinde bekitildi. Osy ózgeristerdi usynǵan Memleket basshysy Q.Toqaev Táýelsizdik kúniniń bastapqy máni joǵalmaıtynyn jetkizgen bolatyn.
«Biraq ol táýelsizdik alýǵa zor úles qosqan ulttyq batyrlarymyzǵa taǵzym kúni retinde atap ótilýi kerek», – degen edi Toqaev.
