Májilis depýtaty Amanjol Áltaı shetel asyp kelgen álemdik juldyzdardyń konertinde ersi qylyq kórsetken jastardyń isin synap, ulttyq tárbıege kóńil bólý qajettigin aıtty, dep habarlaıdy "Adyrna" portaly.
Ol urpaq tárbıesinde qyz balanyń róli erekshe ekenin atap ótti.
"Arýdyń aq dıdarynda - ulttyń uıaty bar! Qyz tárbıesi buzylsa — ult tárbıesi álsireıdi. Ókinishke qaraı, jastarymyz Tık-Tok pen Instagramnyń tutqynyna aınalǵan búgingi qoǵamda ǵasyrlar boıy kózdiń qarashyǵyndaı saqtaǵan qundylyqtarymyzdan, ulttyq tárbıe ónegesinen ajyrap baramyz" dedi ol.
Ol álemdik juldyz AKON-nyń Astanadaǵy konertinde kqrermen qyzdardyń ish kıimin laqtyryp uıatty is qylǵanyn bas aıtyp, mundaı soraqylyqqa shara qoldaný kerektigin qosty:
"Astanada ótken AKON-nyń konertine baılanysty birneshe aspektlerge toqtalaıyn: Birinshiden, konert kezinde jankúıer jastar ánshige ish kıimin laqtyryp, tómen moraldyq minez-qulyq kórsetti, elimizdiń bedeline nuqsan keltirdi. Ekinshiden, ulttyq ózegi álsiz, ózgeni pir tutqysh jastar ánderdiń kontekstinde baıqalatyn genderlik kemsitýshilik máselesin, qyzdardyń namysyn, abyroıyn qorlaıtyn teris mazmunyn ańǵarmaı esi ketti. Úshinshiden, «smack that» ániniń mátininen erotıkalyq sıpattaǵy nápsini qozdyrýǵa ıtermeleıtin, sanany laılap, tárbıege teris áser etetin qaýipti mazmundy ańǵaramyz. Tórtinshiden, uıymdastyrýshylardyń ánshini ulttyq kıimmen qarsy alyp, dombyra syılaǵandary tipten orynsyz dep sanaımyn. Biz mádenı atrıbýttarymyzdy ilgerletýde, nasıhattaýda talǵamdy bolýymyz kerek. Ulttyq mýzykalyq muramyzdyń sımvoly - qasıetti dombyrany jezókshelik pen áıelderdi qorlaýdy nasıhattaýdyń aıqyn sıpatyna ıe «Smack that», «hypnotiser» sııaqty ánderdi oryndaıtyn ánshige berý – paryqsyzdyq, ulttyq qundylyqtardy tabanǵa taptaý dep qabyldaımyn" dedi ol.
Sondaı-aq, osyndaı dúnıelerdiń aldyn alý úshin mınıstrlik arnaıy shara qoldansyn dep atap ótti Amanjol Áltaı:
"Mádenıet jáne aqparat mınıstrligi shetelden elimizge kiretin mádenı ónimderge, gasroldik saparmen kelýshilerge qoıylatyn naqty talaptar jıyntyǵyn ázirleýi tıis. Aıǵaılaǵannyń bári ánshi emes! Bizdiń normamyz ben ustanymdarymyzǵa qaıshy keletin ónimderdi taratpaý úshin shetel ártisterin tańdaýda qatań talaptar saqtalsyn! Mádenı qaýipsizdiktiń saqtalýy úshin, elimizde ótkiziletin konertterdiń bizdiń ulttyq qundylyqtarymyzǵa zııany tımeýi qadaǵalansyn. Oqý-aǵartý mınıstrligi mektep baǵdarlamasyna «Salt-dástúr jáne ulttyq qundylyqtar» páni engizilsin. Ǵylym jáne joǵarǵy bilim mınıstrligi jastar arasynda ulttyq tárbıe jumysyn jetldirýi tıis" delindi.
Eske salaı keteıik, buǵan deıin Astanada ótken AKON konertinde uıatty is jasaǵan qyzdardyń vıdeosy tarap, qyzý talqyǵa túsken bolatyn.
