Bügın Batys Qazaqstan oblysynyŋ äkımı Nariman Töreǧaliev Qazaqstannyŋ Eŋbek Erı, «Otan», «Parasat» ordenderınıŋ iegerı, halyqaralyq Şyŋǧys Aitmatov jäne Jambyl atyndaǧy syilyqtardyŋ laureaty, Qazaqstannyŋ jäne Qyrǧyzstannyŋ eŋbek sıŋırgen qairatkerı, Qazaqstan Körkemsuret Akademiiasynyŋ akademigı, jazuşy, kompozitor, önertanuşy, suretşı Iliia Jaqanovty qabyldady.
Öŋır basşysy belgılı önertanuşyǧa alǧysyn bıldırdı. Odan ärı qarai «Atameken» öner ordasynda Iliia Jaqanovtyŋ şyǧarmaşylyǧyna arnalǧan respublikalyq «Edıl-Jaiyq» suretşıler simpoziuymynyŋ aşylu saltanaty öttı.
Aita keteiık, Iliia Jaqanov 1936 jyly
6 mamyrda Jambyl oblysy Sarysu audanyndaǧy Aqtoǧai auylynda jaryq düniege kelgen. Ol 1959 jyly S. Kirov atyndaǧy Qazaq memlekettık universitetın bıtırgen. Al 1959-1963 jyldary «Qazaqstan pionerı» (qazırgı «Ūlan») gazetınde ädebiet jäne öner bölımınıŋ meŋgeruşısı bolǧan. Sondai-aq 1963-1984 jyldar aralyǧynda Qazaq KSR Ministrler Keŋesınıŋ Televiziia jäne radiohabar jönındegı Memlekettık komitetı jüiesınde ädebi redaktor, Qazaq radiosynyŋ muzykalyq redaksiiasynda bas redaktor qyzmetterın atqardy.
