Ūlttyq qauıpsızdık komitetı Şekara qyzmetınıŋ būrynǧy basşysy Darhan Dılmanovqa qatysty sot ükımı şyqty. Būl turaly Almaty garnizonynyŋ äskeri soty mälımdedı, dep habarlaidy ”Adyrna” ūlttyq portaly.
Mälımet boiynşa, ŪQK töraǧasynyŋ būrynǧy orynbasary - Şekara qyzmetınıŋ direktory Darhan Dılmanov pen basqa da lauazymdy tūlǧalarǧa bilıktı asyra paidalandy jäne ırı mölşerde para aldy degen aiyp taǧyldy.
«D.E esımdı azamat D.Dılmanovqa QHR-dan Qazaqstanǧa jükterdı ötkızu punktı arqyly auystyryp tieudıŋ äzırlengen qylmystyq shemasyn engızudı ūsynǧan. Eger ol sättı jüzege assa, ol odan belgılı bır tabys alatyny anyqtaldy. Baqylau punktı arqyly tauardy odan şyqpai jäne jalpy kezektı ainalyp ötudıŋ zaŋsyz shemasy engızıluıne bailanysty 1750 rettık reis jasaldy, nätijesınde ırı şyǧyn keltırıldı», - delıngen sot habarlamasynda.
Sottaluşylardyŋ kınäsı kuägerlermen, äskeri-jarǧylyq zertteulermen, saraptamalardyŋ qorytyndylary jäne qūjattyq tekseru aktılerı arqyly däleldengen.
Prokuror aiyptaluşylarǧa mülkın tärkılep, 4 jyldan 9 jylǧa deiıngı merzımge bas bostandyǧynan aiyru türındegı jaza taǧaiyndaudy sūrady.
Sottaluşy Q. kınäsın moiyndamai, äreketınde qylmys qūramynyŋ bolmauyna bailanysty aqtaudy sūrady.
Darhan Dılmanov jäne basqalar öz kınälaryn tolyq moiyndap, ıstegen ısıne ökınıp, jazanyŋ eŋ jeŋıl türın, eŋ tömengı jaza türın taǧaiyndaudy, sondai-aq qosymşa jaza türlerın qoldanbaudy sūrady.
«Sot jasalǧan qylmystyŋ sipaty men qoǧamdyq qauıptılık därejesın eskere otyryp, D.D.-ǧa Qylmystyq kodekstıŋ 450-baby 2-bölıgı boiynşa mülkı tärkılenıp, 4 jylǧa bas bostandyǧynan aiyru türındegı jaza taǧaiyndady. Qazaqstan Respublikasynyŋ Prezidentıne D.D. «general-leitenant» äskeri ataǧynan, II därejelı «Aibyn»memlekettık nagradasynan jäne «Ūlttyq qauıpsızdık komitetınıŋ ardagerı» qūrmettı ataǧynan aiyru turaly ūsynys engızılsın», - delıngen sot ükımınde.
Aiyptaluşy Q. QR QK-nıŋ 28-baby 5-bölıgı, 450-baby, 366-baby 3-bölıgı, 1, 2, 4-tarmaqtarymen közdelgen qylmystyq qūqyq būzuşylyqtardy jasaǧany üşın kınälı dep tanylyp, oǧan 5 jylǧa bas bostandyǧynan aiyru jazasy taǧaiyndaldy.
«E., QR QK-nıŋ 55-babyn paidalana otyryp, QK-nıŋ 366-baby 3-bölıgınıŋ 1, 2, 4-tarmaqşalarynda közdelgen qylmystyq qūqyq būzuşylyqty jasaǧany üşın kınälı dep tanylyp, oǧan paranyŋ 30 eselengen somasy – 1 267 000 teŋgege – 38 010 000 teŋge aiyppūl salyndy.
Qalǧan sottaluşylarǧa mülkı tärkılenbesten 3,5 jyldan 5,5 jylǧa deiın bas bostandyǧyn şekteu jazalary taǧaiyndaldy», delıngen ükımde.
Sondai-aq, sottalǧandar ömır boiy memlekettık qyzmette qyzmet atqaru qūqyǧynan aiyryldy.
Ükım zaŋdy küşıne engen joq.Ūqsas jaŋalyqtar
