Qazaqstandyqtar jaqynda ǵana jańa qyzmetke taǵaıyndalǵan Mádı Ahmetovti qyzmetinen bosatýdy talap etip, petıııa jarııalady, dep habarlaıdy "Adyrna" tilshisi.
Mádı Ahmetov birer kún buryn Almaty oblysynyń jastar saıasaty basqarmasynyń basshysy bolyp taǵaıyndalǵan. Degenmen, "eń jas depýtat" bolǵan basshynyń qyzmetten ketýin talap etip, petıııa qol qoıǵandardyń sany 340-tan astam. Petıııa Alash online saıtynda jarııalandy.
Petıııanyń avtory Saıd Samatov esimdi azamat.
«Osy jyldyń qyrkúıek aıynda áleýmettik jelilerde Májilistiń burynǵy depýtaty Mádı Ahmetov Almaty oblysynyń jastar saıasaty basqarmasynyń basshysy qyzmetine daıyndalyp jatyr degen aqparat paıda boldy. Sodan keıin ákimdiktiń baspasóz qyzmeti bul orynnyń shynymen bos ekenin habarlady. Biraq ol kezde úmitkerler týraly eshqandaı málimet bolǵan joq», – delingen petıııa mátininde.
Ahmetov qoǵamda saıası kózqarasymen tanylyp úlgergen. Ol 2019 jyly «qazaq jastarynyń» atynan sóılegen sózinde Almatyda eks-prezıdent Nursultan Nazarbaevqa eskertkish ornatý týraly usynys jasaǵan bolatyn. Odan keıin ol prezıdenttik saılaýda QR Prezıdenti Qasym-Jomart Toqaevqa daýys berýge shaqyrdy.
Kózqarasynyń jyldam ózgerýimen bılikke de, halyqqa da tanylǵan burynǵy depýtatqa qatysty taǵy da bir petıııa jarııalanǵan bolatyn. 10 myńnan astam adam qoldaǵan petıııada Ahmetovtiń áskerı boryshyn óteýi talap etilgen.
