Túrkistan qalasy resmı túrde Túrki áleminiń týrıstik astanasy atandy, dep habarlaıdy "Adyrna" tilshisi Túrkistan oblysy ákimdiginiń baspasóz qyzmetine silteme jasap.
Ázerbaıjan Respýblıkasynda «Shamahı — Túrki áleminiń týrızm astanasy 2023» is-sharasynyń jabylý rásimi ótti. Túrki Memleketteri Uıymy (TMU) tarapynan beriletin resmı mártebeni alý saltanatyna Túrkistan óńirinen arnaıy delegaııa qatysqan bolatyn.
Túrki memleketteri uıymynyń týrızm salasy boıynsha jıynda Túrkistan oblysy ákimi Darhan Satybaldy tarıhtan keleshekke baǵyt alǵan túrki halyqtarynyń mádenı jáne rýhanı mekeniniń jyldan jylǵa túrlenip jatqanyn, Memleket basshysy Qasym-Jomart Toqaev Túrkistan qalasyna erekshe mártebe berýdi tapsyrǵanyn atap ótti. Oblys basshysy keńestiń VIII beıresmı sammıtinde Túrkistandy túrki áleminiń rýhanı astanasy dep ataý týraly taraptar qol qoıǵan deklaraııanyń mańyzy joǵary ekenin jetkizgen edi.
Bıyl Túrkistan — Túrki memleketteriniń 2024 jylǵy týrıstik astanasy atandy. Soǵan oraı oblystyq qoǵamdyq damý basqarmasynyń basshysy qýanyshty habarmen bólisti.
«Qazan aıynda Túrkistanda ótken Túrki Memleketteri uıymy elderindegi týrızm máselelerine jaýapty mınıstrlerdiń VIII otyrysynda Túrkistan — Túrki memleketteriniń 2024 jylǵy týrıstik astanasy atandy. Búgingi saltanatty jıynǵa osy mártebeni Shamahıdan Túrkistanǵa qabyldap alýǵa kelip otyrmyz. Biz úshin tarıhı ári qýanyshty sát. Bul sheshim — túrkitildes elderdiń týrızm baǵytyndaǵy qarym-qatynasyn nyǵaıtýǵa aıryqsha serpin beredi. Túrkistan oblysynda tarıhı-tanymdyq týrızminen bólek, emdik-saýyqtyrý jáne ekologııalyq týrızm baǵytymen sizderdi tanysýǵa shaqyramyz. Tarıhtan keleshekke baǵyt alǵan Túrkistanda, ıaǵnı Atajurtta asyǵa kútemiz!» — dedi Erlan Kúzembaev.
