Halyqaralyq «Tuǵyry bıik Tarbaǵataı» festıvali 14-16 maýsym aralyǵynda Shyǵys Qazaqstan oblysy Tarbaǵataı aýdanynda ótedi.
Shara barysynda qazaq kúresinen týrnır, boks jáne 140 shaqyrymǵa arnalǵan at báıgesi ótedi. Baspasóz máslıhaty barysynda qazaq kúresinen Halyqaralyq federaııasynyń atqarýshy dırektory Talǵat Mazıbaev jáne bas tóreshi Edmar Abdýllaev sport jarysynyń ótý barysyna toqtaldy.
Halyqaralyq Gran-prı aıasynda Aqsýat aýylyndaǵy Yrǵyzbaı Doshanauly atyndaǵy ortalyq stadıonynda 30 memleketten kelgen 90 bilekti sportshy baq synasyp, at báıgesinde júırigi anyqtalatyn bolady. Alǵash ret ıtalıandyq sportshylar qatysady.
– Búgingi tańda eýropalyq memleketterde qazaq kúresine qyzyǵýshylyq artyp keledi. Osy baǵytta memleket tarapynan qoldaý kórsetilip, aýqymdy jumystar atqarylýda. Nıderlandyda qazaq kúresinen Eýrazııa kýbogi ótken bolatyn. Al osy ótetin jarystyń ereksheligi -keń dalada, ashyq aspan astynda,– dedi qazaq kúresinen Halyqaralyq federaııasynyń tóraǵasy Talǵat Mazıbaev. ShQO deneshynyqtyrý jáne sport basqarmasynyń basshysy Denıs Rypakov sportshylarǵa sáttilik tiledi. - Bizdi keremet týrnır kútip tur. Úlken jeńis pen myqty básekeniń kýási bolamyz. Bul aýqymdy sharanyń kókjıegin jyldan jylǵa keńeıtip, jaqsarta túspekpiz.
Sonymen qatar, 15 maýsym kúni qazaqtyń kásipqoı boksshysy Qanat Islamnyń qatysýymen «QAZAQ promotions» qazaq boksshylarynyń kásipqoı boksta jetistikke jetýin qoldap júrgen promoýterlik kompanııasynyń uıymdastyrýymen «Uly Dala batyrlary» atty bokstan týrnır ótedi.
16 maýsym kúni tuńǵysh halyqaralyq «Uly dala qazanaty» atty Kókpekti aýylynan Aqsýat aýylyna deıin 140 shaqyrymǵa arnalǵan alaman báıgesi ótip, 200 sportshy baq synasady. Bas júlde – avtokólik.
Dál osy kúni elimizdiń tanymal aqyndary men halyqaralyq til júırikteriniń qatysýymen «Týǵan jerge týyńdy tik» atty halyqaralyq aqyndar aıtysy ótedi. Úsh kúnge sozylatyn aýqymdy shara «MýzART» vokaldy-aspaptyq ansambliniń konertimen aıaqtalady.
"Adyrna" ulttyq portaly
