Adyrna ūlttyq portalynda «Qaraşada ömır tūr». Aqyndar Aqtöbege aitysuǧa emes, as ışuge jinala ma?» degen taqyryppen material jariialanǧan edı. Sol maqalaǧa qatysty Aqtöbe oblysynyŋ mädeniet, arhivter jäne qūjattama basqarmasy syrǧyma jauap berdı, - dep habarlaidy Adyrna ūlttyq portaly.
Adyrna portaly jariialaǧan maqalada 14 aityskerdıŋ üş kündık qonaq üiı men tamaǧy üşın oblys biudjetınen 2 mln 122 myŋ teŋge bölıngenı, 14 adamdy üş kün kütu üşın mūnşa köp aqşa jūmsau logikaǧa syimaityny synalǧan edı.
Sondai-aq, basqarmaǧa portal atynan naqty saual joldanǧan bolatyn.
Tenderdıŋ tehnikalyq sipattamasyna qarasaŋyz, Aqtöbege qazylar alqasy men aityskerler aitys ötkızuge emes, tamaq ışuge jinalatyndai äser qaldyrady eken. Soǧan orai portal tılşısı Mädeniet basqarmasyna: «Saltanatty şarada 30 adam ärqaisysy 20 myŋnyŋ tamaǧyn ışıp alǧan soŋ, qazylar üş künge dep bölıngen – 15 myŋ, aityskerler 10 myŋ teŋgenıŋ tamaǧyna jäne jügıre me? Joq, älde saltanatty şaranyŋ as mäzırı qazylar alqasy men aitysker aqyndarǧa arnalmaǧan ba?» degen saual joldaǧan edı.
Būǧan oblystyq Mädeniet basqarmasynyŋ basşysy A. Iýnisova bylai dep jauap qatqan:
«2023 jylǧy 18 qaraşa künı Aqtöbede qazaqtyŋ ūly hany Äbılqaiyr hannyŋ 330 jyldyǧyna arnalǧan «Ūltyn süigen ūly tūlǧa» atty respublikalyq aqyndar aitysy öttı.
Aitysty ötkızu jäne ūiymdastyru üşın «Biudjet qarajaty esebınen qarjylandyrylatyn Qazaqstan Respublikasyndaǧy jäne şeteldegı mädeniet salasyndaǧy
Aitysty ötkızu jäne ūiymdastyru üşın Qazaqstan Respublikasy memlekettık satyp alu portalyna osy 2112,0 myŋ teŋgege ūsynys baǧa berıldı. Memlekettık satyp aludyŋ qorytyndy hattamasyna säikes jeke käsıpker «E A» 1 715,0 myŋ teŋgege (red: 1 mln 715 teŋge) ūtyp aldy. «E A» JK-men kelısım-şart arqyly jūmystar jürgızıldı.
Berılgen jauappen kelıspegen jaǧdaida «Qazaqstan Respublikasynyŋ Äkımşılık räsımdık-prosestık kodeksı» 91 babyna säikes şaǧym bere alasyz» delıngen.
Ūzyn-sonar syrǧyma jauaptan tüktı ūqpadyq. «Saltanatty şaranyŋ as mäzırı qazylar alqasy men aitysker aqyndarǧa arnalmaǧan ba?» degen tıke saualǧa basqarma jauap tappasa kerek. Sonda Äbılqaiyr hannyŋ 330 jyldyǧyna aqyndar aitysuǧa emes, as ışuge kelgenı me? Ärine, respublikanyŋ är tükpırınen kelgen aqyndar tamaq ta ışedı, qonaq üige de qonady. Bıraq, oǧan biudjettıŋ qarjysy jūmsalatyn bolǧandyqtan tender esebı kümän tudyrmaityndai bolǧany kerek qoi.
Bızdıŋ aitpaǧymyz osy ǧana...
Qanat Bırlıkūly
Adyrna ūlttyq portaly
