Prezıdent Toqaev Qańtar oqıǵasy kezinde kómekke júgingen Ujymdyq qaýipsizdik shart uıymynyń áreketine (UQShU) baǵa berdi, dep jazady “Adyrna. Bul týraly ol “Egemen Qazaqstan” gazetine bergen suhbatynda aıtty.
Memleket basshysy halyq aýzynda júrgen jańsaq pikirge naqty jaýap berdi. Ol bul sheshimimen Reseıden emes, UQShU-dan kómek suraǵanyn basa aıtty:
”Aımaqtarda jappaı tártipsizdik beleń alyp, jergilikti bılik dármensizdik tanytqanda, Qaýipsizdik keńesi Ujymdyq qaýipsizdik týraly shart uıymyna júginý týraly sheshim qabyldady. Qazaqstan onyń bitimgerlik kúshterin turaqtylyq pen qaýipsizdikti qamtamasyz etý úshin ǵana qysqa merzimge engizýdi surady. Bul jerde myna jaıtqa basa mán berý kerek. Biz bul qurylymnyń múshesi retinde Reseıge emes, Ujymdyq qaýipsizdik týraly shart uıymyna júgindik” dedi ol.
“Sol kezde osy uıymnyń tóraǵasy Armenııa edi. Bıyl UQShU-ǵa Qazaqstan tóraǵalyq etedi. Qurylym jasaǵy, shyn máninde, bitimgerlik ról atqaryp, qasiretti kúnderde eldi jaılaǵan júgensizdikti toqtatýǵa septigin tıgizdi. Uıymǵa múshe-memlekettermen kelisilgendeı, bul bitimgerlik kúshter aldyn ala eshqandaı talap qoımastan, onyń ústine merziminen buryn Qazaqstannan syrtqa shyǵaryldy” dep baǵalady uıymnyń is-áreketin.
Sonymen qatar, kórshi elderdiń de yqpalyn ataı ketti ol:
“UQShU bitimgerlik kúshteri lańkestikke qarsy operaııalarǵa qatysqan joq, birde-bir oq atqan joq. Armenııa jasaǵy «Aqsaı» nan zaýytyn jáne «Almaty sý» mekemesin, Belarýs jasaǵy Jetigendegi aerodromdy, Tájikstan men Qyrǵyz Respýblıkasynyń áskerı qyzmetshileri Almaty qalasynyń birinshi jáne ekinshi jylý elektr ortalyqtaryn, Reseı jasaǵy úshinshi jylý elektr ortalyǵy men telekommýnıkaııa nysandaryn kúzetti. Osy mańyzdy nysandarǵa lańkestik shabýyldar jasalýy múmkin degen qaýip boldy. Sondyqtan bitimgerlik kúshter solardy kúzetýge jiberildi. Eń bastysy, sol arqyly óz kúshterimizdi lańkestikke qarsy operaııaǵa jumyldyrýǵa múmkindik týdy” dedi prezıdent.
