"Adyrna" ūlttyq portalynda «Atyrau oiyn alaŋdaryn kütıp ūstauǧa 236 million teŋgeden asa qarjy böldı» degen taqyryppen material jariialanǧan edı. Sol maqalada köterılgen mäselege qatysty Atyrau qalasy äkımınıŋ orynbasary E. Umarov jaŋyltpaştatyp jauap berdı, - dep habarlaidy "Adyrna" ūlttyq portaly.
Atalǧan materialda tender qūjattaryna süienıp, onda Atyrau qalasynda qanşa oiyn alaŋy bar ekenı körsetılmegenı, 2024 jyldyŋ 31 jeltoqsanyna deiın balalar oiyn alaŋdaryn kütıp ūstau üşın naqty ne ıstelu kerektıgı körsetılmegenı synalǧan edı. Sondai-aq qūzırettı organdarǧa portal tılşısı: «1. Atyrau qalasyndaǧy oiyn alaŋdardy kütıp ūstau üşın biudjetten 236 millionnan asa qarjy jūmsalmaq eken. Atqarylatyn jūmystyŋ kölemı, sany, jospary, taraptardyŋ mındetı, barlyǧy nelıkten taiǧa taŋba basqandai tehnikalyq sipattamada körsetılmegen? 2. «Atyrau qalalyq tūrǧyn üi-kommunaldyq şaruaşylyǧy jäne tūrǧyn üi inspeksiiasy tender jeŋımpazynan eseptı qalai alady?» degen ekı saual joldaǧan bolatyn. Būl sūraqtarǧa Atyrau qalasy äkımınıŋ orynbasary E. Umarov: «1. Joǧaryda aitylǧandar negızınde, oiyn alaŋdaryna talap etıletın sipattamalardyŋ parametrlerıŋ jäne özge de bastapqy derekterdıŋ sipattamalaryn qosymşaǧa säikes joldaidy. 2. Atalǧan jūmystardy talap etıletın tehnikalyq erekşelıkterge säikes «Qalalyq tūrǧyn üi-kommunaldyq şaruaşylyǧy jäne tūrǧyn üi inspeksiiasy bölımı» memlekettık mekemesınıŋ mamandary qabyldap alatyndyǧyn habarlaidy», - degen qysqa ǧana jaŋyltpaş jauap qaitarypty. Ūzaq uaqyt küttırgen jauapta E.Umarov myrzanyŋ ne aitpaq bolǧanyn tüsıne almadyq. Äkım orynbasarynyŋ 236 millionnan asa qarjy bölıngen jobanyŋ tehnikalyq sipattamasyn dūrystau turaly eşteŋe jazbaǧanyna qaraǧanda şeneunıktıŋ būl mäselege qatysty aitar eşteŋesı joq bolsa kerek. 236 millionnan asa aqşa az qarjy emes. Onyŋ sūrauy älı de bolatynyn qalalyq äkımdıktıŋ qaperıne salǧymyz keledı.Qanat Bırlıkūly
Adyrna ūlttyq portaly
