Wealthy Gorilla redakııasy álemdegi eń baı 50 boksshynyń tizimin jarııalady. Qazaqstandyq kásipqoı boksshy, WBA, WBO, IBF jáne IBO nusqalary boıynsha orta salmaqtaǵy burynǵy álem chempıony Gennadıı Golovkın (42-2-1, 37 KO) bul tizimniń 20-qataryna taban tiredi, dep habarlaıdy “Adyrna.
Basylymnyń málimetinshe, 41 jastaǵy Golovkınniń baılyǵy 30 mıllıon dollarǵa baǵalanǵan.
«Golovkınniń ártúrli brendtermen, sonyń ishinde álemdegi eń qymbat saǵattardy jasaıtyn Hublot jáne Chivas Regal alkogoldik sýsynymen ındossamenttik kelisimderi bar», - delingen mátinde.
Sondaı-aq, 2006-2018 jyldar aralyǵyndaǵy kásipqoı mansabynda Golovkınniń birde-bir jeńilis kórmegeni jáne birde-bir ret nokaýtqa túspegeni atap ótilgen.
450 mıllıon dollar dáýleti bar reıtıngtiń kóshbasshysy amerıkalyq Floıd Meıvezer. Ekinshi orynda taǵy bir amerıkalyq – Djordj Forman. Úshinshi orynda 200 mıllıon dollarmen fılıppındik Mennı Pakıao. Sondaı-aq tizimde aǵaıyndy Vladımır ($90 mln) jáne Vıtalıı Klıchko ($80 mln) - sáıkesinshe 8 jáne 10 oryndardy alyp tur.
Golovkın sońǵy ret 2022 jyldyń qyrkúıeginde jekpe-jek ótkizip, Saýl «Kanelo» Alvaresten jeńilip qaldy. Ótken jyly qazaqstandyq chempıondyq ataǵyn qorǵaýdan bas tartqandyqtan, IBF, WBA jáne IBO chempıondyq belbeýlerinen aıyrylǵan bolatyn. Keıbir sarapshylar Golovkınniń tıtýldy qorǵaýdan bas tartýyn onyń belbeý úshin jekpe-jektegi qazaqstandyq qarsylastarynyń kóńilinen shyqpaıtyn DAZN strımıng-servısimen tıimdi kelisim-shartynyń bolýymen túsindiredi.
