2024 jyly Qazaqstanda ūlttyq sifrlyq investisiialyq platforma ıske qosylady

QR Premer-Ministrınıŋ bırınşı orynbasary Roman Skliardyŋ töraǧalyǧymen ötken İnvestisiialardy tartu jönındegı keŋestıŋ kezektı otyrysynda jaŋa aqparattyq jüie tanystyryldy. Ūlttyq sifrlyq investisiialyq platforma investisiialyq jobalardy keşendı süiemeldeu boiynşa aqparattyq jüie qūrudy közdeidı. Būl barlyq tarapqa – käsıpkerlerge jäne memlekettık organdar, qarjy instituttary men kvazimemlekettık sektor ökılderıne bırdei paidaly bolady dep kütılude. Sifrlyq platformanyŋ funksionaly barlyq prosestı, onyŋ ışınde investorlar üşın Qazaqstan Respublikasynda qoljetımdı memlekettık qyzmetterdı tolyq qamtuǧa mümkındık beredı. İnvestisiialardy tartu mäselelerınde memlekettık qyzmetterdı sifrlandyru – Ükımettıŋ basym jäne özektı mındetterınıŋ bırı. Ūlttyq investisiialyq platforma eŋ aldymen investorlar üşın äzırlenıp jatqany atap ötıldı. Sondyqtan ol barlyq ūsynylǧan qoldau şaralaryn qamtuy qajet jäne paidalanuşylar üşın mümkındıgınşe yŋǧaily boluy kerek. Ūlttyq investisiialyq platforma köptegen prosestı jeŋıldetıp qana qoimai, olardyŋ aşyqtyǧyn qamtamasyz etedı. Būl öz kezegınde Qazaqstannyŋ investisiialyq tartymdylyǧyn aitarlyqtai arttyrady dep kütılude. Osyǧan bailanysty memlekettık organdarǧa platformany ıske qosudy jedeldetu jäne jüiege investisiialyq jobalar boiynşa barlyq derektı engızu tapsyryldy. İnvestisiialardy tartu jönındegı keŋestıŋ otyrysynda kölık, logistika, densaulyq saqtau jäne turizm salalarynda ıske asyru josparlanǧan jobalar da qaraldy. Atap aitqanda, kölık salasynyŋ investisiialyq äleuetı boiynşa ÜAAAJ jobasyn ıske asyru mysalynda «konsessiia» mehanizmın odan ärı damytu, sondai-aq azamattyq aviasiia jäne temırjol kölıgı salasyndaǧy jobalar pulyn bırneşe ese ūlǧaitu qajettıgı atap ötıldı. Densaulyq saqtau salasy boiynşa medisinalyq jabdyqtar öndırısın lokalizasiialau, biotehnologiialyq preparattar öndırısın keŋeitu jäne klinikalar salu syndy jekelegen investisiialyq jobalar qaralyp, tapsyrmalar berıldı. Aimaqtar boiynşa Ūlytau oblysy äkımdıgınıŋ investisiialar tartu jönındegı jūmysy qaraldy. Bügınde öŋırde 19 investisiialyq jobadan tūratyn pul qūrylǧan, onyŋ şeŋberınde 1700-den astam jaŋa jūmys ornyn aşu josparlanuda. Alǧa qoiylǧan mındetterge qol jetkızu üşın öŋırge investisiialar tartu boiynşa qajettı şaralardy qabyldau kerek ekenı atap ötıldı. Memlekettık jäne jergılıktı atqaruşy organdarǧa atalǧan barlyq problemalyq mäselelerdı qysqa merzımde şeşu tapsyryldy.