Özbekstan Qazaqstannyŋ ekologiialyq ziiandy otyn öndırısınen bas tartu täjıribesın qoldanysta paidalanuǧa niettı, dep habarlaidy “Adyrna” ūlttyq portaly 24KZ saityna sılteme jasap.
Bızdıŋ el Aİ-80 markaly benzindı öndırudı alty jyl būryn toqtatqan. Odan keiın otandyq zauyttar K4 jäne K5 standarttaryna sai önım şyǧaruǧa den qoidy. Al Özbekstanda Aİ-80 älı de keŋınen qoldanylady. Mūnai öŋdeu zauyttary öndırıstı qysqartpai otyr. Jaǧdai 2026 jylǧa qarai özgeredı dep kütılude. Ükımet aldaǧy 2 jylda öndırıstı ekologiiaǧa ziiandy benzin türınen europalyq standarttarǧa sai keletın joǧary oktandy benzinge qaita baǧyttaudy közdep otyrǧany belgılı boldy. “Ärine halyq osy arzan, tanymal markaly benzinge üirenıp qalǧan. Öitkenı būl jai ǧana arzanyraq. Adamdar joǧary sortty benzinge auysa almaidy. Öitkenı olar qymbatyraq. Jeke janarmai qūiu beketterınde Aİ-80 8 myŋǧa juyq bolsa, 92 kem degende 12 myŋ som tūrady”, - dep jetkızdı energetika sarapşysy Bahtiior Ergaşev.Ölardyŋ aituynşa, otynnyŋ basqa türlerı köpşılık üşın qoljetımsız bolyp barady. Al olarǧa sūranys az. Mysaly, Global Petrol Prices mälımetterı boiynşa, körşılerımızde Aİ-95 bır litrı bır dollardan qymbat. Qyrǧyzstandaǧy baǧa da osyndai. Al Qazaqstanda, Türkımenstanda, Äzırbaijanda ekı ese arzan. Bızdıŋ el benzin baǧasynyŋ älemdık tızımınde 11-şı orynda. Mamandardyŋ aituynşa, baǧa elımızdegı mūnai öndıru kölemıne tıkelei bailanysty. İmporttauşy elder üşın soŋǧy önım qymbatyraq tūrady.
“Adyrna” ūlttyq portaly
Ūqsas jaŋalyqtar
