Bügın ŞQO äkımınıŋ orynbasary Äsem Nüsıpova oblysta Ūlttyq bıryŋǧai testıleu ötkızu barysy men daiyndyq jūmystary, mektep tülekterınıŋ äleuetı boiynşa baspasöz mäslihatyn ötkızdı.
- Biyl oblys mektepterın tämamdaityn 8490 tülektıŋ 6669-y ŪBT tapsyruǧa ötınış bıldırdı. Şyǧys Qazaqstan oblysynda 2017 jyldan bastap aimaq basşysy D. Ahmetovtyŋ tapsyrmasy boiynşa «Bılıktı maman» jobasy tabysty jüzege asyryluda. Jobanyŋ negızgı maqsaty - mektep, kolledj tülekterınıŋ şeteldık joǧary oqu oryndaryna ketuın azaitu jäne joǧary bılımnıŋ qoljetımdılıgın arttyru bolyp tabylady. Aǧymdaǧy jyly oblys äkımdıgı öŋırdegı sūranysqa ie mamandyqtarǧa barlyǧy 400 biudjettık oryn böledı. Oblys äkımdıgı tarapynan jyl saiyn joǧary oqu oryndarynyŋ studentterın oqytuǧa ülken qarajat bölu qarastyrylǧan. Bır studentke orta eseppen 1 jylǧa 800 myŋ teŋge, al oqudyŋ barlyq siklıne 4,0 mln.teŋge jūmsalady. Jalpy 2017 jyldan bastap aǧymdaǧy jyly bölıngen granttardy eskere otyryp, oqudyŋ tolyq siklıne qarjylandyru 4,2 mlrd.teŋgenı qūraidy (1046 studentke). Bölıngen qarajat oqytuşynyŋ eŋbekaqysyn töleu qoryn, şäkırtaqy men studenttıŋ jolaqysyn qamtidy, - dedı Äsem Nüsıpova.
Aita ketsek, soŋǧy jyldary mektep tülekterınıŋ özge elderge oquǧa ketuı aitarlyqtai tömendedı. Eger 2016 jyly oblys mektepterınıŋ 1800 tülegı oquǧa tys jerlerge ketse, 2017 jyly - 890, 2018 jyly 636 tülek şeteldık joǧary oqu oryndaryna kettı (būl körsetkış 2016 jylmen salystyrǧanda 35,3% - ǧa qysqardy). 2019 jylǧa boljamǧa säikes QR-nan tys jerlerge şyǧatyn tülekter sany josparmen 585 adamdy qūraidy. Sonymen qatar balalar üşın joǧary bılımnıŋ qoljetımdılıgı aitarlyqtai östı. Eger 2017 jyly ŪBT tapsyrǧan oblys mektep tülekterınıŋ 48% - y bılım granttaryn alsa, 2018 jyly mektep tülekterınıŋ 56% - y respublikalyq jäne jergılıktı granttarǧa ie boldy. Öŋırlık joǧary oqu oryndary tülekterınıŋ jūmysqa ornalasu paiyzy artty (2017 jyly - 89,5%, 2018 jyly – 90,1%), oǧan joǧary oqu oryndaryndaǧy bılım beru sapasynyŋ artuy sebep boldy.
"Adyrna" ūlttyq portaly
