Qoǧamdyq keŋestıŋ kezektı otyrysynda Ermak Sälımov qalanyŋ 2020-2025 jyldarǧa arnalǧan äleumettık-ekonomikalyq damuynyŋ keşendı josparyn tanystyrdy. Ermak Bidahmetūly keşendı jospar jobasy memleket basşysy Qasym-Jomart Toqaevtyŋ tapsyrmasyna säikes äzırlengenın atap öttı.
-Halyqty süt önımderımen qamtamasyz etu üşın Novobajenovo auyldyq okrugınde 1200 basqa arnalǧan tauarly-süt fermasynyŋ qūrylysyn qarastyryp otyrmyz, - dedı qala äkımı. - Bız şılde aiynyŋ basynda atalǧan jobany ıske asyratyn kompaniiaǧa jer uchaskesın bekıtu boiynşa konkurs jariialaimyz. 2025 jylǧa qarai jalpy auyl şaruaşylyǧy önımı 19 paiyzǧa artady.
E. Sälımov aldaǧy jyldarda Semeide 4 jaŋa mektep pen 4 balabaqşa salu josparlanyp otyrǧanyn aitty. Oqu jäne mektepke deiıngı mekemeler Stepnoi, Vostochnyi, Bobrovka, Voshod kentterınde jäne Qaraǧaily jaŋa şaǧyn audanynda salynady.
- Qaraǧaily jaŋa şaǧyn audanynda bılım men tehnologiia transfertı ortalyǧynyŋ qūrylysy josparlanǧan, - dedı Ermak Bidahmetūly. – Būl mädeniettı damytuǧa arnalǧan oquşylar men Jastar saraiy bolady. Onyŋ qūrylysy oblys basşylyǧy deŋgeiınde talqylandy. Sondai-aq osy şaǧyn audanda ört söndıru deposyn salu josparda bar.
Keşendı jospar şeŋberınde jalpy somasy 3 mlrd.teŋgege 20-dan astap jalpy bılım beretın mektepte kürdelı jöndeu josparlanǧan. Mädeniet nysandary da kürdelı jöndeuden şet qalmaidy. Dostyq üiınde, drama teatrda, F. Dostoevskii atyndaǧy mūrajaida, ölketanu mūrajaiynda, Abai atyndaǧy ämbebap kıtaphanada jöndeu jūmystary jürgızıledı. Nevzorovtar otbasy atyndaǧy beineleu önerı mūrajaiy ǧimaratynda qalpyna keltıru jūmystary josparlanǧan.
-Jol infraqūrylymyn jaqsartu jäne kölık pen jaiau jürgınşıler qozǧalysynyŋ qauıpsızdıgın qamtamasyz etu maqsatynda avto köpırdı qaita jaŋartu, sondai-aq qala joldaryn jöndeu boiynşa jobalar josparǧa engızıldı. Joǧaryda körsetılgen jobalardy ıske asyru 2025 jylǧa qarai jaqsy joldardyŋ ülesın 90 paiyzǧa deiın arttyruǧa mümkındık beredı, - dedı äkım.
Qalany ainalyp ötetın joldar salynuy, auyr salmaqty avtokölık qozǧalysyn azaituǧa septıgın tigızedı.
Qala köşelerınde 600-den astam "Sergek"beinekamerasy paida bolady.
- 2025 jylǧa deiın ortalyq sumen jabdyqtauǧa Komsomol, Stepnoi, Üşaqtar, Voshod jäne qaiyq kentterı qosylady , - dedı Ermak Bidahmetūly.
Sonymen qatar, E. Sälımov Semei iadrolyq poligonynan zardap şekken mügedek balalarǧa arnalǧan oŋaltu ortalyǧy Altai qalasynyŋ kurorttyq aimaǧynda salynatynyn aitty.
Keşendı jospar aiasynda Semeide 2020 jyldan 2025 jylǧa deiın 133 köp qabatty tūrǧyn üi paidalanuǧa berıledı.
"Adyrna" ūlttyq portaly
