Başqūrtstandaǧy Baimaq qalasynyŋ on myŋnan asa tūrǧyny sot ǧimaratynyŋ aldyna mitingıge şyǧyp jatyr, dep habarlaidy «Adyrna» ūlttyq portaly.
Halyq «ūltaralyq arazdyqty qozdyrdy» (RF Qylmystyq kodeksınıŋ 282-babynyŋ 1-bölıgı). degen aiyppen tört jylǧa sottalǧan belsendı Fail Alsynovty bosatudy talap etu üşın Baimaq audandyq sotynyŋ aldyndaǧy alaŋǧa jinaldy. Tergeu komitetı Alsynovqa qarsy ıstı Başqūrtstan basşysy Radii Habirovtyŋ şaǧymy boiynşa qozǧady. Narazylyq bıldıruşıler Alsynovty «bermeimız» dep mälımdedı.
2023 jyly Alsynov Başqūrtstanda altyn öndıruge, sondai-aq şahtalardaǧy migranttardyŋ jūmysyna qarsy narazylyqtarǧa belsendı qatysqan. Tergeu qorytyndysy boiynşa, 2023 jyldyŋ säuır aiynda İşmurzino auylynyŋ tūrǧyndarynyŋ jiynynda belsendı «başqūrt tılınde, Kavkaz, Orta Aziia jäne armiandar halyqtaryna qatysty, būlar qara halyqtar» dep öz pıkırın bıldırgen.
Türkı halyqtarynyŋ tılınde «qarapaiym halyq» degen maǧynany bıldıretın sözı üşın sot ony jalpy rejimdegı koloniiaǧa 4 jylǧa qamau turaly ükım şyǧardy.
Fail Alsynov öz kınäsın joqqa şyǧaryp, başqūrt tılınde söilegenın jäne onyŋ sözı dūrys tüsındırılmegenın aityp otyr.
SOT OTYRYSYNA DEIIN
Otyrys bastalar aldynda qauıpsızdık qyzmetkerlerı men arnaiy jasaq avtobustarynyŋ kömegımen ǧimaratqa jaqyndaudy toqtatty, dep habarlaidy «Verstka». Basylymnyŋ habarlauynşa, sot ǧimaratynan üş şaqyrym radiusta internet öşırılgen. Sonymen qatar, Reseidıŋ bırneşe aimaqtarynda WhatsApp jelısınıŋ jūmysynda aqaular oryn aldy, dep jazady Baza telegram arnasy. Şaǧymdardyŋ köpşılıgı Başqūrtstannan bolǧan.
«Kuştau Bairam» telegram arnasynyŋ mälımetınşe, būl jerge bırneşe myŋ narazylyq bıldıruşıler jinaldy. «Verstka» arnasynyŋ esepteulerıne säikes, üş myŋdai adam turaly aitylsa, keiın adamdar miting ornyna keludı jalǧastyrǧan. Keiınırek SOTAvision arnasy narazylyq bıldıruşılerdıŋ sanyn 10 myŋǧa jetkenın baǧalady.
Halyq «Bostandyq», «Küş bırlıkte» dep ūrandaǧan.
POLİSİIаMEN QAQTYǦYS
Ükım şyǧarylǧannan keiın narazylyq bıldıruşılerdı qamauǧa alu bastaldy. Arnaiy jasaq mitingke qatysuşylarǧa qarsy közden jas aǧyzatyn gaz qoldandy, dep habarlaidy SOTAvision tılşısı.
Onyŋ aituynşa, qauıpsızdık qyzmetkerlerı jinalǧandardy dubinkamen ūryp, sonymen qatar köpşılıkke tütın bombalaryn laqtyrǧan. Būǧan jauap retınde narazylyq bıldıruşıler arnaiy jasaq pen polisiiaǧa qatyp qalǧan qar men mūz bölıkterın laqtyrady, deidı.
«Er adamdardy aiausyz ūryp jatty. Dubinkalarmen bastarynan ūryp, bıreudıŋ közın aǧyzyp jıberdı», deidı.
Qaqtyǧys bolyp jatqan jerde «Odnajdy v Başkirii» telegram arnasy 300-ge juyq qūqyq qorǧau organdarynyŋ qyzmetkerlerı bar dep jazady. Būl rette Baza olardyŋ sany 600-den astam dep otyr. «Odnajdy v Başkirii» habarlaǧandai, qauıpsızdık küşterı jaryq şu granatalaryn da qoldanǧan. Oqiǧa ornynyndaǧy beinelerde jarylystar estıledı.
Zardap şekkender men ūstalǧandar turaly habar bolǧanmen, olardyŋ sany belgısız. Är türlı baǧamdar boiynşa zardap şekkender-bırneşe adam, ūstalǧandar sany 5-ten 20-ǧa deiın.
BŪǦATTAULAR JÄNE KELISSÖZDER
BAQ-nyŋ habarlauynşa, «Kuştau Bairam» telegram arnasy qoljetımsız bolyp tūr. Soŋǧy jazba Mäskeu uaqytymen 12:59-da jariialanǧan. Būl ekınşı ret, bır kün būryn arna däl osylai būǧattalǧan. Sondai-aq, jurnalister Baimaqtaǧy narazylyqtardy belsendı türde jariialaǧan Rus News arnasynyŋ aşylmai qalǧanyn habarlaidy.
Narazylyq bıldıruşıler men qauıpsızdık qyzmetkerlerı arasynda kelıssözder bastaldy, dep habarlaidy «7h7». Basylymnyŋ mälımetınşe, Fail Alsynovtyŋ äkesı kelıssöz jürgızuşı bolyp tabylady. Ol qauıpsızdık qyzmetkerlerıne ūstalǧandardy bosatudy, al narazylyq bıldıruşılerge sot ǧimaratynyŋ aldyndaǧy alaŋnan ketudı ūsynǧan.
SOTAvision mälımetterı boiynşa, narazylyq bıldıruşıler men qauıpsızdık qyzmetkerlerı uaqytşa bıtımge kelıstı.
Polisiia Baimaqtaǧy narazylyq bıldıruşılerge qarsy jappai tärtıpsızdıkter turaly qylmystyq ıs qozǧady, dep habarlaidy «RİA Novosti» agenttıgı Işkı Ister Ministrlıgınıŋ qoǧamdyq keŋesınıŋ basşysyna sılteme jasap.
Baimaq qalasy tūrǧyndarynyŋ sany 18 myŋǧa juyqtaidy.
Ashat Ahmediiar
