Resei tarapy Qazaqstannyŋ sauda jelılerıne tauyq jūmyrtqasyn jetkızudı ūlǧaitu turaly ötınışpen jügındı. Būl turaly ükımettıŋ baspasöz qyzmetı mälımdedı, dep habarlaidy “Adyrna” ūlttyq portaly.
Qazaqstan men Resei premer-ministrlerınıŋ orynbasarlary Serık Jūmanǧarin men Aleksei Overchuk ekıjaqty saudanyŋ özektı mäselelerın talqylady.
«Resei tarapy qazaqstandyq tarapqa olardyŋ sauda jelılerıne tauyq jūmyrtqasyn jetkızudı ūlǧaitu turaly ötınışpen jügındı. Serık Jūmanǧarin Auyl şaruaşylyǧy ministrlıgıne būl mäselenı tez arada qarastyryp, Reseidıŋ şekaralas oblystaryna qazaqstandyq önımderdı jetkızudı ūlǧaitu mümkındıgın tabudy tapsyrdy. Azyq-tülık qauıpsızdıgı mäselesınde şeşım qabyldauda ikemdılık qajet ekenı atap körsetıldı», - delıngen habarlamada.
Ükımet 2022 jyly Qazaqstandaǧy otandyq qūs fabrikalaryn jūmyrtqamen qamtamasyz etu deŋgeiı halyqtyŋ sūranysynyŋ 102 paiyzyn qūraitynyna sendırdı. 2023 jyldyŋ 11 aiynda Qazaqstan Resei, Auǧanstan jäne Qyrǧyzstanǧa 186,6 millionǧa juyq tauyq jūmyrtqasyn eksporttady.
