Parlament Prezıdenttiń BUU mıssııalaryna qatysý úshin bitimgershilik kúshterin jiberý týraly usynysyn qoldady, dep habarlaıdy «Adyrna» tilshisi.
BUU shaqyrýy boıynsha óziniń áskerı tehnıkasymen, qarý-jaraǵymen jáne múlkimen rezerv rotasy retinde 139 áskerı qyzmetshi sanyndaǵy alǵashqy derbes ulttyq bitimgershilik kontıngentin «BUU-nyń Golan bıiktikterindegi bólinýdi baqylaý jónindegi kúshteri» mıssııasyna ornalastyrý 2024 jylǵy naýryzdan bastap josparlanyp otyr.
«Qazaqstanǵa derbes bitimgerlik mıssııasynyń berilýi bizdiń eldiń álemdik arenadaǵy bedelin kórsetedi. Bul Qarýly kúshterdiń atqaryp jatqan qyzmetin de aıqyndaıdy. Alǵash ret Golan bıiktiginde júzege asyratyn derbes bitimgerlik mıssııa bolmaq. Rotanyń quramyna 139 áskerı qyzmetshi kiredi. Áskerge shaqyrylǵan sarbazdar onyń qatarynda joq. Tek qana kásibı áskerıler men kelisimsharttaǵy ofıerler, olardyń barlyǵy tolyq oqytýdan ótken»,— dedi Qorǵanys mınıstri Rýslan Jaqsylyqov.
