Prezıdenttiń kómekshisi Saraıshyq qalashyǵyndaǵy arheologııalyq jumystarmen tanysty, dep habarlaıdy "Adyrna" tilshisi.
Qazaqstan prezıdentiniń kómekshisi Rýslan Jeldibaı Qazaq handyǵy zamanynda asa mańyzdy bolǵan qalalardyń biri Saraıshyqqa sapar shekken. Bul týraly óziniń Facebook paraqshasynda jazdy.
Joshy ulysynda astana mártebesin alyp, Qazaq handyǵynyń alǵashqy handarynyń ordasy bolǵan Saraıshyqqa arnaıy baryp, tarıhı orynda júrgizilip jatqan arheologııalyq jumystarmen tanystym. Bıyl Ulttyq quryltaıdy uıymdastyrý aıasynda aımaqta aýqymdy sharalar atqarylady, - dedi Rýslan Jeldibaı.
Prezıdent kómekshisi óz jazbasynda tarıhı jadty jańǵyrtýǵa da toqtalyp ótti.
Elimizde 2019 jyldan beri tarıhı jadymyzdy jańǵyrtý baǵytynda úlken sharalar júrgizilip jatqanyn bilesizder. Prezıdenttiń bastamasymen osydan úsh jyl buryn Altyn Ordanyń 750-jyldyǵy toılandy. Bıyl Joshy ulysynyń 800-jyldyǵyn atap ótemiz. Munyń bári - Ulyq ulystyń tarıhı murageri retinde memlekettigimizdiń tarıhyn túgendep, tuǵyryn odan ári bekemdeý úshin asa mańyzdy jumystar, - dep jazdy ol.
