Reseilık tarihşy, Kreml saiasatynyŋ ügıt-nasihatşysy Mihail Smolin «Mesto vstrechi» tok-şouynda 1917 jylǧy revoliusiiaǧa deiın qazaqtar da, özbekter de ūlt retınde bolmaǧanyn aitty, dep habarlaidy "Adyrna" ūlttyq portaly. Būl turaly NTV arnasyndaǧy baǧdarlamada mälımdedı.
Tarihşy 1917 jylǧy revoliusiiaǧa deiın qazaqtar men özbekterdıŋ «müldem» bolmaǧanyn aitty.
"Qazaqstan qalai paida boldy? Rasynda, alǧaşynda RSFSR qūramynda Kazaky SSR dep ataldy, qazaqtar müldem bolmaǧan. Odan keiın Kazaky SSR ışınen Qyrǧyz ASR qūrylyp, RSFSR qūramynan bölınıp şyqty. Onda ūlttardyŋ qūryluy turaly şeşımder osylaişa voliutaristık türde qabyldanǧan. Mysaly, özbekter revoliusiiaǧa deiın bolmaǧan, tıptı ondai etnikalyq atau bolmaǧan. Sony alyp, bırneşe Ortalyq Aziia halyqtarynan özbekterdı qūrap şyǧardy», - dedı Smolin.
Būǧan deiın, Reseilık telejürgızuşı ärı prodiuser Tina Kandelaki de Qazaqstandaǧy temırjol vokzaldarynyŋ atauyn özgertudı synap, elde orys tılın memlekettık deŋgeide yǧystyru baiau, bıraq senımdı türde jalǧasyp jatqanyn aitty. Būdan keiın qazaqstandyq jurnalist Dinara Sätjan arandatuşylyq mälımdemege jauap berıp, «öz degenımen basqa bıreudıŋ "handyǧyna" aralaspau kerektıgın» atap öttı.
Osydan keiın Kandelaki taǧy ünsız qalmai, qazaq halqyna Reseidıŋ Qaŋtar oqiǧasy kezındegı kömegın eske saldy. Aita ketu kerek, endı oǧan Qazaqstanǧa kıruge tyiym salynbaq.
Video: Reseilık tarihşy Mihail Smolinnıŋ degenderın 42 minuttan ärı köruge bolady
Ūqsas jaŋalyqtar
