«AMANAT» Partiiasy Fraksiiasynyŋ müşesı, deputat Ūlyqbek Tūmaşinov Şyǧys Qazaqstan oblysyndaǧy Marqaköl audanynyŋ tabiǧi erekşelıgın atap, ūlttyq park etudı ūsyndy, dep habarlaidy "Adyrna" ūlttyq portaly. Deputattyq saual QR Premer-ministrı Älihan Smaiylovqa joldandy.
Tūmaşinov öz deputattyq saualynda Şyǧys Qazaqstan oblysynda şekaralyq Katon-Qaraǧai, Marqaköl audandarynyŋ qūryluyn atap, tūrǧyndardyŋ Prezident şeşımıne rizaşylyǧyn bıldırgenın jetkızdı.
Atalmyş audandar memleket basşysy Qasym-Jomart Toqaevtyŋ şeşımımen qūrylǧan bolatyn.
"Qaŋtardyŋ bırınşı onkündıgınde, öŋırlerdı aralau kezınde osy audandarda, iaǧni Qaton-Qaraǧai, Ülken Naryn, Marqaköl, Kürşım aimaqtarynda bolyp qaittyq, sondaǧy qarapaiym halyqtyŋ rizaşylyǧy men quanyşyn, Prezidentımızge degen zor yqylasy men alǧysyn kördık!" dedı ol.
Sondai-aq, ol jaŋadan qūrylǧan audandarǧa erekşe köŋıl bölu kerek ekenın atap öttı:
"Atalǧan Marqaköl audanynyŋ aimaǧynda «Marqaköl qoryǧy» ornalasqan. Būl qoryq Kenes Odaǧynyŋ kezınde qūrylǧan. Bügıngı künı «Qaton- Qaraǧai» jäne «Tarbaǧatai» ūlttyq parkterımen körşıles ornalasqan. Qoryq bolu sebebınen, zaŋmen turistık obektılerdı saluǧa, damytuǧa tyiym salynǧan. Halyqpen kezdesu kezınde, sailauşylarymyzdyŋ sūrauy boiynşa öŋırdın ekonomikasyn, turizmdı damytu maqsatynda, tūrǧyndardy jūmyspen qamtamasyz etu, qosymşa tabys tabu jäne osy audannyŋ baiyrǧy tūrǧyndarynyŋ öz ölkesıne qaityp oraluyna qyzyǧuşylyq tudyru üşın «Marqaköl qoryǧynyŋ» statusyn özgertıp, «Marqaköl ūlttyq parkı» retınde qarastyru qajet. Būl degenımız - osy ölkenıŋ erteŋ Qazaqstan elınıŋ ınju- marjanyna ainaluyna qosylǧan ülken ülesı bolar edı" dedı ol.
Deputat Ūlyqbek Tūmaşinov "Marqaköl qoryǧy" statusyn "Marqaköl ūlttyq parkı" statusyna özgertu arqyly öŋırdıŋ ekonomikalyq, turizmdık tūrǧydan damuyna jol aşatynyn aityp, mäsele köterdı:
"Täjıribe körsetkendei, Ūlttyq park statusy audannyŋ ekonomikalyq tynys-tırşılıgın arttyryp, turisterdıŋ sanyn köbeitıp, audanǧa öte qajet kışı biznestı damytuǧa jan-jaqty mümkındık beredı. «AMANAT» partiiasy şekaralyq audandardy damytudyŋ jüielı tetıkterın jasau qajet dep esepteidı!" dedı ol.
Premer-ministrge Ükımet janynan qūzyrly ministrlık ökılderı sanatynan, mäjılıs deputattarymen bırge osy mäsele jönınde top qūryp, şeşu tetıkterın qarastyru qajettıgın aitty.
Ūqsas jaŋalyqtar
