Biyl qūrylǧanyna 29 jyl tolatyn "Azat" qozǧalysy qaita jandanbaq. Būl jaily Qazaqstannyŋ azamattyq «AZAT» qozǧalysynyŋ töraǧasy Qoja-Ahmet Hasen mälımdedı. Aldaǧy küzde bolatyn Parlament sailauyna "Azat" ta qatyspaq.
Toqsanynşy jyldary saiasi sahnany bilegen būl ūiym jaily sol kezdegı aldyŋǧy buyn bılmese, qazırgı ūrpaq atyn da estımegen. Älem jelıden "Azat" qozǧalysy jaily qysqa ǧana mälımetke qol jetkızdık.
"Azat" azamattyq qozǧalysy - qoǧamdyq-saiasi ūiym. Qūryltai mäjılısı Almatyda 1990 j. 1 şıldede öttı. Basty maqsatyn "Halyqaralyq Odaqtyq şartpen bırıkken erıktı de täuelsız jaŋa qoǧamdastyq şeŋberınde Qazaqstannyŋ şynaiy memlekettık egemendıgıne qol jetkızu" dep belgıledı. Qozǧalystyŋ 14 oblystyq ūiymy bar. 1990-1993 jj. aralyǧynda "Azat" gazetı şyǧyp tūrdy. "Azat" qozǧalysy Qazaqstandy qazaq halqyn otarşylyq pen totalitarizm zardaptarynan aryltu uşın qajettı zaŋdardyŋ qabyldanuy, olardyŋ dūrys oryndaluy jönınde halyqqa ündeuler taratyp, ükımetke ūsynystar jasady, separatistık piǧyldaǧy ūiymdarǧa toitarys beru, adam qūqyqtaryn qorǧau jäne t.b. ūlt müddesın közdegen mäselelerdı batyl kötere bıldı. Mıne, ǧalamtordaǧy qysqa mälımet osy ǧana.
Sol kezderdegı "Azatta" qyzmet atqarǧan jıgıtter būl künı qartqa ainaldy. Aldy fäniden baqiǧa köştı.
«Azat» qozǧalysynyŋ aqsaqaly Jaǧda Babalyqūly, Säbetqazy Aqatai, Nūrbaqyt Qoişybekov, sol kezdegı «Azat» gazetınıŋ bas redaktoy Batyrhan Därımbet, etnograf ǧalym Maqaş Tätımov, Marat Şormanov, Güljihan Biboldinova. Būl tızımge sol jyldary qozǧalysqa belsene qatysqan Jasaral Quanyşälı, Hasen Qoja-Ahmet, Aisūlu Qadyrbai, Serık Erǧali, Saǧat Jüsıp, Däuren Satybaldy, Asqar Syrǧabaev, Rahat Altai, Samat Saqalūly, Gülşat Erulardy da qosuǧa bolady.
Küzdegı parlament sailauyna qatysamyz dep, belın bekem buǧagn "azattyqtar" özderınıŋ saiasi küşterın taǧy bır märte synap körmek. Endeşe, Qazaqstannyŋ azamattyq "AZAT" qozǧalysynyŋ mälımdemesın qaz-qalpynda berıp otyrmyz.
" Tün-tünekten keiın aǧaryp taŋ atatynyndai, bügıngı Qazaqstan qoǧamyndaǧy ahual KSRO bilıgı daǧdarysqa ūşyraǧan 1990-1991 jyldardaǧydai küide. Bilıktegı qaraqşy toptyŋ halyq nietın dünieqoŋyzdyqpen ulamaqqa, ürei arqyly uysynda ūstamaqqa 30 jyl boiǧy äreketı aqyry küiredı. Bügıngı qazaq qoǧamy dünieqoŋyz eptılerden jiırkenetın, qairatkerlerın, batyrlaryn ızdeitın aq jolǧa qaitadan bet būrdy. Halyq öz keleşegın oilap, ata-meken elı Qazaqstandy jalmauyz bilıkten qūtqaruǧa bel budy. Soŋǧy 20 jylda bilıktıŋ qūrǧan jasandy partiialarynyŋ qūr sözben aldausyratyp, ıs-äreketke bastamaitynyna közı jetken azamattar jaŋadan partiia qūrmaq oilaryn aituda.
Alaida qazırgı Zaŋmen saiasi partiia qūru üşın kemınde 9 oblysta bölımşeler aşuǧa, 40 000 qol jinauǧa az degende jarty jyl uaqyt, qomaqty qarjy kerek. Zaŋdy jeŋıldetudı qazırgı Parlamentten kütu qiyn. Özgertken künde de küzde bolmaq Parlament Mäjılısı sailauyna deiın partiia qūryp ülgıru mümkın emes şarua. Osyny tüsıngen bırneşe oblystyq, qalalyq därejedegı ūiymdar elımızdegı qordalanǧan mäselelerdı köpşılık bolyp şeşıp, oŋaltu üşın «Azat» qozǧalysynda bas qossaq degen ūsynys bıldırıp otyr.
1990 jyly qūrylǧan Qazaqstandaǧy respublikalyq därejelı eŋ alǧaşqy qoǧamdyq ūiym «Azat» qozǧalysy, soŋǧy 20 jylda bilık qūrǧan jalǧan oppozisiialyq ūiymdar saiasattan ysyrmaqqa qanşama zymiian äreketter jasaǧanyna tötep berıp, bügınge şeiın tırkeuın joimai, halyqtyŋ şama-şarqyna qarai ıs-äreketın jasap keledı. Qazaqstandaǧy bügıngı qoǧamdyq-saiasi jaǧdaiǧa orai «Azat» qozǧalysy öz jūmysyn jandandyruǧa kırıstı. Sondyqtan, ardaqty halaiyq, 30 jyldan soŋ qaita kelgen tarihi sättı – halqymyzdyŋ passionarlyq oianuyn, elımızde oŋ özgerıster jasauǧa baǧyttap, «Azat» qozǧalysynda küş jūmyldyraiyq!"-deidı özınıŋ mälımdemesınde Hasen Qoja-Ahmet.
Qazaqstannyŋ azamattyq «AZAT» qozǧalysynyŋ töraǧasy Qoja-Ahmet Hasen
«Azat» qozǧalysyna jeke ia ūjymdyq müşe bolu üşın myna telefondarǧa habarlasyŋyzdar: Almaty qalasynda 382-57-61; 8 707 495 2132; Astana q. 8 701 197 1961; Aqtöbe q: 8 777 91 9189
"Adyrna" ūlttyq portaly
