Qazaqstan Azattyq radıosynyń 36 tilshisine akkredıtaııa bermeı jatyr, dep habarlaıdy "Adyrna" tilshisi.
Qazaqstannyń syrtqy ister mınıstrligi Azattyq radıosynyń tilshilerine akkredıtaııa bermeıtinin málimdegen. Bul týraly Azattyq saıty jarııalady.
Eldiń syrtqy ister mınıstrligi shetel aqparat quralynyń tilshisine akkredıtaııa berý nemese bermeý týraly sheshimdi ótinish túsken kúnnen bastap eki aı ishinde qabyldaýy kerek. Akkredıtaııa berilmegen jaǵdaıda mınıstrligin sheshimin negizdeýi de qajet.
Al Azattyq redakııasy tıisti qujattardy bir emes, birneshe ret jáne ýaqytyly tapsyrǵan. Degenmen mınıstrlikten akkredıtaııa ala almaǵanyn aıtady.
Qazaqstan syrtqy ister mınıstrligi Azattyqtyń 36 tilshisine akkredıtaııa bermeı qoıǵan. Akkredıtaııalanbaǵan qyzmetkerler qatarynda 2022 jyldan beri ruqsaty sozylmaǵan jýrnalıster bar. Osyǵan qatysty Azattyq redakııasy óz múddesin sotta qorǵaıtynyn habarlady.
Odan bólek, Qazaqstanda akkredıtaııasy joq shetel BAQ-tyń jumysyna tyıym salý usynyldy. Úkimettiń mass-medıa týraly jańa zań jobasyna shetel aqparat quraldary men jýrnalısterin akkredıtaııalaý erejesine qatysty túzetýler engizilmek.
Depýtattar usynyp otyrǵan ózgertýler syrtqy ister mınıstrligine "Qazaqstannyń ulttyq qaýipsizdigine qater tóngen jaǵdaıda" sheteldik BAQ jýrnalısterine akkredıtaııa bermeý quqyǵyn beredi. Al akkredıtaııa almaǵan shetel aqparat quraldary men shetel jýrnalısterine kásibı jýrnalıstıkamen aınalysýyna tyıym salýdy qarastyrmaq.
