Syrtqy ıster ministrlıgı İran aumaǧynda jürgen qazaqstandyqtarǧa jeke qauıpsızdık şaralaryn küşeitudı ūsyndy, dep habarlaidy «Adyrna» tılşısı.
«Taiau Şyǧys öŋırındegı geosaiasi ahualdyŋ kürt şielenısuıne bailanysty İran aumaǧynda uaqytşa nemese tūraqty negızde jürgen Qazaqstan Respublikasynyŋ azamattaryna jeke qauıpsızdık şaralaryn barynşa küşeitu qajettıgı eskertıledı»,- delıngen habarlamada.
Osyǧan bailanysty SIM tömendegı ūsynymdardy qataŋ saqtaudy sūrady:
- adam köp jinalatyn oryndarǧa barudan jäne būqaralyq ıs-şaralarǧa qatysudan bas tartu;
- jergılıktı bilık organdary men resmi aqparat közderınıŋ habarlamalaryn tūraqty türde qadaǧalau;
- qajetsız saparlardy şekteu;
- jeke qūjattardy ärdaiym özıŋızben bırge alyp jüru;
- tuyndauy mümkın tötenşe jaǧdailarǧa daiyn bolu;
- Qazaqstan Respublikasynyŋ diplomatiialyq ökıldıkterımen tūraqty bailanysta bolu.
Ministrlık mälımetınşe, Qazaqstannyŋ İran İslam Respublikasyndaǧy Elşılıgı İran aumaǧynda jürgen Qazaqstan azamattary üşın täulık boiy jūmys ısteitın jedel bailanys jelılerın ıske qosqan.
Qazaqstan Respublikasynyŋ Tegeran qalasyndaǧy Elşılıgı:
Elşılıktıŋ kezekşı telefony: +98 21 2256 5933
Mobildı telefon / WhatsApp: +98 936 208 4672
Qazaqstan Respublikasynyŋ Gorgan qalasyndaǧy Bas konsuldyǧy:
+98 912 298 0350 (ūialy telefon);
+98 173 252 0443 (jūmys telefony);
+7 701 771 34 01 (WhatsApp).
Qazaqstan Respublikasynyŋ Bender-Abbas qalasyndaǧy Konsuldyǧy:
+98 930 298 57 03 (ūialy telefon, WhatsApp).
Atalǧan bailanys arnalary arqyly azamattar konsuldyq kömekke jügınıp, özderınıŋ ornalasqan jerı men jaǧdaiy turaly habarlai alady.
«Öz qauıpsızdıgıŋızge jauapkerşılıkpen qarap, sabyr saqtauǧa jäne tek resmi derekközderge süienuge şaqyramyz. Sondai-aq İran İslam Respublikasynyŋ äue keŋıstıgınıŋ jabyluyna jäne äue qatynasynyŋ uaqytşa toqtatyluyna bailanysty İran aumaǧynan şyǧu mäselesın İran–Äzerbaijan, İran–Armeniia, İran–Türkiia jäne İran–Türıkmenstan arasyndaǧy qūrlyq şekaralary arqyly pysyqtau maqsatynda joǧaryda körsetılgen Qazaqstan Respublikasynyŋ diplomatiialyq ökıldıkterımen bailanysqa şyǧularyŋyzdy sūraimyz»,-dep tolyqtyrdy ministrlık.
