Qaraǵandyda úı aýlasynda turǵan kólik órtenip ketti, dep habarlaıdy "Adyrna" tilshisi ekaraganda.kz saıtyna silteme jasap.
Qaraǵandydaǵy aýlalardyń birinde turaqta turǵan Mercedes-Benz G 500 kóligi órtenip ketti. Ashyq ottyń áserinen kóliktegi gaz jabdyqtary jarylyp ketti
Qaraǵandydaǵy Gapeev kóshesindegi turǵyn úıdiń janynda bolǵany habarlanǵan. Aımaqtyq tótenshe jaǵdaılar departamenti joǵary temperatýra saldarynan janynda turǵan Volkswagen Passat kóligi zaqymdanǵanyn aıtady. Órt saǵat 04:19-da sóndirildi.
"Úıdiń janynda jalpy alańy 4 sharshy metrdi quraıtyn Mercedes-Benz G 500 markaly avtokóliginiń qozǵaltqysh bóliginde, aspaptar panelinde jáne ishki árleýinde janǵysh bólshekter janyp ketti. Órt sóndirý qyzmeti kelgenge deıin Mercedes-Benz G 500 avtokóliginde ornatylǵan gaz jabdyǵynan gaz-aýa qospasy jarylǵan. Órttiń aldyn ala sebebi ashyq ot kózinen bolǵan", - dep habarlady vedomstvo ókilderi.
