Nazarbaevtyŋ rölı. "Habar" arnasy eks-prezident turaly filmge 40 mln teŋge jūmsaǧan

Jyl saiyn elımızde memlekettık aqparattyq saiasatqa bölınetın milliardtaǧan qarjynyŋ qaida ketetını belgısız, dep habarlaidy "Adyrna" tılşısı Orda.kz - ke sıltep. Orda.kz mälımetınşe, «Habar» holdingınıŋ ökılderı tuǧan aǧa-ınılerınıŋ firmalarymen milliondaǧan qarjyǧa kelısımşart jasaǧany anyqtalyp, tıptı sinopsiske sai kelmeitın filmder tüsırgenı aityluda. 2019 jyl men 2021 jyldary memlekettık aqparattyq saiasatty oryndauǧa memleket qarjysynan 153 mlrd teŋge bölıngen. Al onyŋ 12 mlrd teŋgesı tiımsız jūmsalǧan bolyp şyqty. Al Qazaqstanda 3600-den astam BAQ tırkelse,  bölıngen qarajattyŋ 80%-y Aqparat ministrlıgıne baǧynysty üş ūiymnyŋ qaltasyna tüsken. Olar:

• «Qazaqstan» AQ — 69 mlrd teŋge (42,4 %),
• «Habar» AQ — 51 mlrd teŋge (31,4 %),
• «Qazteleradio» — 9 mlrd teŋge (5,6 %). 

Būrynǧy prezident Nūrsūltan Nazarbaev turaly “Stroitel nezavisimosti» / «Chelovek epoha: dalşe i vyşe mechty” atty filmdı tüsıru kezınde de bırneşe olqylyqtar anyqtalǧan. Būl tūsta«Habar» AQ-men jasaǧan kelısımşartqa säikes filmdı daiyndauǧa biudjetten 40 mln teŋge jūmsalǧan. Onyŋ ışınde:

• 17,4 mln teŋge — qalamaqyǧa;
• 3,2 mln teŋge — jabdyqty jalǧa aluǧa;
• 11 mln tenge — öndırıstık şyǧyndarǧa;
• 8,4 mln tenge — tüsırılım tobynyŋ şet memleketterge ıssapar şyǧyndaryna (toǧyz adam)

Köp qarjy bölıngen filmdı "Habardyŋ" iutub arnasynda tek 6 myŋǧa juyq adam ǧana qaraǧan. Al film arhiv kadrlarynan jäne jetı qazaqstandyq qoǧam qairatkerınıŋ pıkırınen tūrady. Esep komitetınıŋ auditorlarynyŋ esebı boiynşa 8,4 mln teŋge qarjy QHR töraǧasy Si Szinpin, RF prezidentı Vladimir Putin, Türkiianyŋ prezidentı Erdoǧan, Özbekstan prezidentı Mirziioev jäne taǧy basqalar siiaqty bırqatar memleketterdıŋ basşylarymen sūhbat jasauǧa bölıngenı aitylǧan. Film üşın tüsırılgen sūhbatta prezidentter Qazaqstannyŋ basty jetıstıkterı jäne osy prosestegı Nazarbaevtyŋ rölı turaly baiandap bergenımen kadr filmde joq. Agenttık pen «Altyn-Bek» JK arasynda sot bolyp, nätijesınde 8,4 mln teŋge qarjyny jäne 252 000 teŋge kölemındegı memlekettık baj töleu şyǧyndaryn "Habarǧa" qaitaryp bergen.

«Jauap beruşı sotqa körsetılgen qarajattyŋ maqsatty jūmsalǧany turaly rastaityn qūjattardy ūsynbaǧan. Jauap beruşınıŋ pandemiiaǧa bailanysty şekteuler engızılgenı turaly dälelderın sot kerısınşe dälel retınde qabyldai almaidy», – delıngen Astana sotynyŋ şeşımınde.