"Allajardyń" rejısseri Qaldybaı Ábenovke eskertkish-taqta ornatyldy, dep habarlaıdy "Adyrna" tilshisi.
Jýrnalıst Gúljanat Shonabaı Facebook jelisindegi paraqshasynda jańalyqpen bólisti. Onyń aıtýynsha 24 qańtar kúni qazaqtyń ultjandy azamaty, jankeshti rejısser Qaldybaı Ábenovtiń eskertkish-taqtasy ashyldy.
Tarıhı sátke osy ıgilikti iske bastamashy bolǵan marqumnyń dosy Erlan Dekelbaı bastaǵan bir top jeltoqsanshy azamattar, jazýshy-jýrnalıst Kólbaı Adyrbekuly, halyqaralyq "Qazaqstan dáýiri" gazetiniń bas redaktory Ertaı Aıǵalıuly, "Qazaqstan" ulttyq arnasynyń Almaty qalasy fılıalynyń dırektory Sáýle Jırenshına, mádenıet qaıratkeri Ǵazızhan Ádilhanov, Q.Ábenovtiń týystary qatysty. Bıiktegi eskertkish-taqtanyń betperdesin ashý Qalekeńniń uly Farabıge buıyrdy. Kelgen qonaqtar estelikter aıtyp, marqumǵa Quran baǵyshtady, - dep jazdy Gúljanat Shonabaı.
Eske sala keteıik, jazýshy Roza Muqanova "Allajar" fılmi týraly esteligimen bólisken.
