27 qaŋtarda halyqaralyq terroristık ūiymnyŋ äreketıne qatysy boluy mümkın degen küdıkpen 22 jastaǧy qazaqstandyq Ystambūlda ūstaldy. Būl turaly Ūlttyq qauıpsızdık komitetı mälımdedı, dep habarlaidy “Adyrna” ūlttyq portaly.
Küdıktı Almatyǧa aidauylmen deportasiialandy.
Aqparat boiynşa, Türkıstan oblysynyŋ tumasy 2020 jyly Siriiaǧa ketken. Onda jas jıgıt qaruly toptardyŋ bırıne kırgen.
Qazaqstandyqty otanyna äkelu üşın ŪQK türkiialyq ärıptesterımen bırlesıp, jūmys ıstedı. Sondai-aq Bas prokuratura men Işkı ıster ministrlıgı qoldau körsetken.
«Küdıktınıŋ üstınen Qylmystyq kodekstıŋ 257-baby («Terroristik top qūru, oǧan basşylyq etu jäne onyŋ äreketıne qatysu») boiynşa ıs qozǧaldy. Ol sot sanksiiasymen qamauǧa alyndy. Qajet tergeu amaldary jürgızılıp jatyr», - dep jazylǧan habarlamada.
Qylmystyq-prosestık kodekstıŋ 201-baby 1-bölıgıne säikes, basqa aqparat jariialanbaidy.
Ūqsas jaŋalyqtar
