Amerikalyq milliarder ärı käsıpker, SpaceX jäne Tesla kompaniialarynyŋ negızın qalauşy İlon Mask X äleumettık jelısındegı paraqşasynda bırınşı adamnyŋ miyna Neuralink implantyn ornatu prosedurasy ötkenın mälımdedı, dep habarlaidy “Adyrna” ūlttyq portaly.
Onyŋ aituynşa, qūrylǧynyŋ jūmysy jaqsy nätijeler körsetude. "Bırınşı adam keşe Neuralink-ten implant aldy jäne otadan keiın sauyǧyp keledı", - dep jazdy milliarder öz paraqşasynda. 2023 jyldyŋ qyrküiegınde amerikalyq käsıpker İlon Masktyŋ neirotehnologiialyq kompaniiasy Neuralink implanttardy miǧa ornatu implantasiialau boiynşa klinikalyq synaqtar üşın erıktılerdı ızdei bastaǧan bolatyn. Neuralink 2016 jyldan berı jūmys ısteidı, onyŋ maqsaty - mi men jūlyn jaraqattarynyŋ saldaryn joiuǧa kömektesetın chip jasau, osylaişa sal auruyna şaldyqqan adamdar qaitadan qozǧala alady. 2021 jyldyŋ aqpanynda Mask maimyldyŋ miyna chiptıŋ sättı implantasiialanǧanyn jariialady; säuırde kompaniia maimyldyŋ «oi küşımen» beineoiyndar oinap jatqanyn körsettı. Al 2023 jyldyŋ 26 mamyrynda Neuralink FDA-dan adam boiyndaǧy alǧaşqy klinikalyq synaqty ötkızuge rūqsat alǧanyn jariialaǧan edı.“Adyrna” ūlttyq portaly
Ūqsas jaŋalyqtar
