Ūlttyq ekonomika ministrı Älıbek Quantyrov 30 qaŋtardaǧy ükımet otyrysynyŋ qorytyndysy boiynşa ötken baspasöz mäslihatynda 2024 jyly kommunaldyq qyzmet tarifterınıŋ şamamen qanşaǧa ösetının aitty, dep habarlaidy “Adyrna” ūlttyq portaly.
Onyŋ aituynşa, tariftık baǧdarlama jetı jylǧa eseptelgendıkten, jyl saiyn tarifterdı tüzetu kütıledı. «Tarifterdı tüzetu är jyly kütıledı, öitkenı tariftık baǧdarlama jetı jylǧa sozylady. Ortaşa alǧanda, keibır subektıler men TKŞ türlerı boiynşa tarifterdıŋ ösuı 10-15 paiyz bolady. Būl ortaşa eseppen 20-30 paiyzdy qūraidy. Su – maŋyzdy resurs. Bız ony ünemdeuge tyrysuymyz kerek. Tek infliasiiany ūstap tūru kerek», - dedı Quantyrov. Būl özgerıs kommunaldyq qyzmetterdıŋ barlyq türlerıne arnalǧan, öitkenı ministrdıŋ aituynşa, infraqūrylymnyŋ tozuy qyzmettıŋ kez kelgen türınde bar. Tarifterdı köteru esebınen tüsken aqşa infraqūrylymdy jaŋartuǧa baǧyttalady. "Kommunaldyq qyzmetterdıŋ barlyq türlerı boiynşa infraqūrylymnyŋ tozuy bar. Tozǧan qūbyrlar, jelıler, su qūbyrlary. Kärız jüiesı äsırese qatty tozǧan, al şottar az. Ekı bölmelı päterge ortaşa eseppen kärız şoty - 200 teŋge. Köteru kerek", - dep tüsındırdı Quantyrov. Sonymen qatar ministr su baǧasyn köteru sebepterın de tüsındırıp öttı. «Būl subektınıŋ quatyna bailanysty. Sondai-aq sudyŋ tarifı de öte tömen. Byltyr men Batys Qazaqstan oblysynda boldym. Onda sudyŋ bır tekşe metrı – 44 teŋge. Ärine, osydan keiın su tiımsız paidalanylady. Mysaly, sız monşaǧa barsaŋyz, onda sudyŋ tekke aǧyp jatqanyn köresız. Ony öşıru kerek. Ökınışke qarai, ünemdeu joq. Öte maŋyzdy resurs bolǧandyqtan, sudy ünemdeuımız kerek. Tarif ösedı. Bügınde suǧa 200-500 teŋge töleimız. Sondyqtan mūnda (su tarifın) aitarlyqtai köteruge bolady. Olai ıstemesek, ünemdeu bolmaidy. Biyl tarif (baǧasy) ösedı», – dep sözın tolyqtyrdy ministr. Sondai-aq, merdıgerler men qūrylys ūiymdary bärın jaŋartyp ülgeruı üşın tarifterdı bırtındep köteru jūmystary jürgızılude.“Adyrna” ūlttyq portaly
Ūqsas jaŋalyqtar
