Aqmola oblysynda sý basqan aýyldar jaryq pen sýsyz qaldy, dep habarlaıdy "Adyrna" tilshisi QazTag-qa siltep.
Úshqarasý aýylynyń turǵyndary eki aptaǵa jýyq ýaqyt boıy jaryq pen sýsyz otyrǵanyn aıtty.
«Aqmola oblysy, Jarqaıyń aýdany, Úshqarasý aýyly. Biz qazirdiń ózinde kómek surap jatyrmyz. 13-shi kún jaryqsyz, sýsyz, zeınetaqysyz otyramyz. Bizge eshkim eshteńe jibermeıdi, tipti bizdi eshkim estimeıdi!» – dedi aýyl turǵyndary beıneúndeýinde.
Turǵyndar qazirdiń ózinde azyq-túlik taýsylǵanyn aıtady.
Jergilikti atqarýshy organdar Úshqarasý turǵyndary birinshi kezektegi qajetti zattarmen jáne ónimdermen qamtamasyz etilgen dep sendiredi.
«Esil ózeni sý deńgeıiniń kúrt kóterilýine baılanysty, sondaı-aq erigen sýdyń áserinen muzdar elektr tirekterin ushyryp áketti, sondyqtan 3 sáýirden beri elektr qýaty joq. Eldi mekenniń geografııalyq ornalasýyna baılanysty barlyq kireberisterdi sý basyp, tehnıka men kólikterdiń ótýine kedergi keltiýde», - deıdi sheneýnikter.
Sol sebepti energetıkter tirekterge jóndeý jumystaryn júrgize almaıdy, degenmen sheneýnikter aýylǵa aparatyn jol ashylyp, aımaqtardaǵy sý deńgeıi tómendeı salysymen brıgadalar elektr qýatyn qalpyna keltirýge kirisetinin aıtady.
