Aqmola oblysy Bilim basqarmasynyń «Bilim-ınnovaııa» lıeı-ınternatynyń 11-synyp oqýshysy Haırýshev Jaras sheteldik 6 ýnıversıtettiń grantyn utyp aldy, dep habarlaıdy «Adyrna» tilshisi.
«Jaras AQSh-tyń 6 ýnıversıtetiniń ( Widener university - 148000$; Michigan state university - 72000$; Arizona state university - 52000$,Loyola university Chicago - 84000$, Adelphi university - 100000$, George Mason university - 48000$ ) grant ıegeri atandy. Sondaı-aq AQSh-tyń jáne Kanadanyń 4 ýnıversıtetinen (Pennsylvania state university, University of Illinois Chicago, University of Toronto , University of Ottawa) arnaıy shaqyrtý alyp otyr»,—dedi oblystyq Bilim basqarmasy.
Jas túlek bala kezinen krımınalıst bolýdy armandaıdy. Bul sala týraly túrli fılm men kórkem ádebıetti oqyp, bolashaq mamandyǵy týraly izdenýdi 7-synyptan bastaǵan.
«Qazirgi qoǵamda qylmystyń órship turǵandyǵy jáne onyń aldyn alý joldary qandaı degen saýal Jarasty beı-jaı qaldyrmady. Ol osy másele tóńireginde únemi izdenip, túrli ádebıetter oqyp, 2022-2023 oqý jyly “How do people get on the path murder and violence” degen taqyrypta adamdardyń qylmysqa barý sebebi jóninde ǵylymı zertteý joba jumysyn jazady. 2021-2022, 2022-2023 oqý jyly Jaras aǵylshyn tilindegi respýblıkalyq debat týrnırlerine qatysyp, 1-oryn ıegeri atandy. Sondaı-aq aǵylyshyn tilindegi “World scholars cup” halyqaralyq olımpıadasyna qatysyp, 5 altyn, 1 kýmis medal ıelendi. Úzdiksiz daıyndyq pen tabandylyǵynyń nátıjesinde Jaras IELTS synaǵyn 7 balǵa, SAT emtıhanyn 1200 balǵa tapsyryp, ózi arman etken krımınalıst mamandyǵy boıynsha sheteldiń beldi oqý oryndarynda zamanaýı bilim alý múmkindigine ıe boldy.Bul, árıne, oqýshy men ata-anasy úshin úlken qýanysh jáne oqýshylaryn bilim shyńdaryn baǵyndyrýǵa talaptandyryp otyrǵan «Bilim-ınnovaııa»lıeı-ınternatynyń tabysty jeńisi dep bilemiz»,—dep túıindedi basqarma.
