Qazaq qyzy Äsel Roberts Sloveniiadaǧy AQŞ-tyŋ jaŋa elşısı atandy. Onyŋ kandidaturasyn AQŞ Senaty resmi türde bekıttı, dep habarlaidy “Adyrna”.
AQŞ Senatynyŋ resmi deregıne säikes, taǧaiyndaudy 46 senator qoldap dauys berse, 43 senator qarsy şyqty. Būǧan deiın Äsel Robertstıŋ kandidaturasyn Donald Tramp ūsynǧan bolatyn. Ol nauryz aiynda Senattyŋ tiıstı komitetınde äŋgımelesuden ötken edı.
Äsel Roberts Jambyl oblysynda düniege kelgen, al balalyq şaǧy men mektep jyldary Almatyda ötken. Keiın ol otbasymen bırge AQŞ-qa qonys audarǧan.
Äsel Amerikada mektep bıtırgennen keiın, Djordjtaun universitetınıŋ halyqaralyq qatynastar fakultetıne oquǧa tüsken. Student kezınde Aq üide taǧylymdamadan ötıp, keiın AQŞ memlekettık qyzmet jüiesınde eŋbek jolyn bastaǧan.
1990 jyldardyŋ soŋynan berı Roberts AQŞ prezidentınıŋ protokol departamentınde jūmys ıstegen. Ol Aq üidegı qyzmetın Barak Obama äkımşılıgı kezınde bastap, keiın Djo Baiden tūsynda da mansabyn jalǧastyrǧan.
Är jyldary Äsel amerikalyq memlekettık protokol jüiesınde joǧary lauazymdardy atqardy. 2021 jyly AQŞ memlekettık protokol qyzmetınıŋ basşysy mındetın uaqytşa atqaruşy boldy.
Aita ketsek, Qazaqstannyŋ Sloveniiadaǧy elşısı – täjıribelı diplomat Altai Äbibullaev.
Būl qyzmetke ony Qasym-Jomart Toqaev 2025 jyldyŋ küzınde taǧaiyndaǧan. Ol 30 jylǧa juyq eŋbek jolynda Qazaqstan Syrtqy ıster ministrlıgınde, Polşa, Austriia jäne Horvatiiadaǧy elşılıkterde jūmys ıstegen, sondai-aq Venadaǧy EQYŪ janynda Qazaqstannyŋ ökılı bolǧan.
Qoǧamda būl jaǧdai elımızdıŋ tarihyndaǧy alǧaşqy erekşe oqiǧa retınde talqylanyp jatyr. Europanyŋ bır qalasynda ekı qazaq elşısı ekı türlı memlekettıŋ atynan qyzmet atqaruda. Köpşılık mūny halyqaralyq diplomatiiadaǧy erekşe sät dep baǧalap otyr. Būǧan deiın mūndai jaǧdai bolmaǧan.
