Áleýmettik jelide 8 jasar qyzdy áıeldikke alǵan Iemendik 40 jastaǵy er azamat jaıly aqparat tarady. Derekkózderge súıensek oqıǵa 2013 jyly bolǵan, dep habarlaıdy "Adyrna" ulttyq portaly.
2013 jyldyń qyrkúıeginde Iemenniń soltústik-batysynda 40 jastaǵy erkek Ravan esimdi 8 jasar qyzdy áıeldikke alyp, keıin alǵashqy neke túninde búldirshin qatty qan ketýden qaza tapqan. Atalmysh jaıt 10 jyldan astam ýaqyttan soń jelide qaıta tarap, rezonans týdyrdy.
Lıvan gazeti Bul Saýd Arabııasymen shektesetin Iemenniń soltústik-batys bóligindegi Hard provınııasynda bolǵanyn jazdy. Bul Taıaý Shyǵys aımaǵyndaǵy májbúrli neke máselesi álemdik jurtshylyqtyń nazaryn aýdarady.
BUU Halyq Qorynyń málimetteri boıynsha 2011 jáne 2020 jyldar aralyǵynda 140 mıllıonnan astam qyz bala kezinde osyndaı oqıǵalarǵa dýshar bolady. Sonymen qatar, osy 140 mıllıonnan astam qyzdyń 50 mıllıony 15 jasqa da tolmaǵan.
Iemendegi qyzdardyń 25% - dan astamy 15 jasqa tolmaı jatyp májbúrli túrde úılenedi. Olar qalypty medıınalyq kómekke, bilimge qol jetkize almaıdy, sonymen qatar nekede turǵan balalar fızıkalyq jáne emoıonaldyq zorlyq-zombylyqqa ushyraıdy.
Iemen BUU-nyń 2022 jylǵy genderlik teńsizdik ındeksine (Gender Inequality Index) sáıkes, Aýǵanstan, Nıgerııa jáne Jańa Gvıneıadaǵy Papýadan tómen deńgeıde (144 eldiń 144-i), bul elde 2014 jyldan beri azamattyq soǵys júrýde. Iemen 2023 jylǵy jahandyq beıbitshilik reıtınginde (Global Peace Index) qaýipsizdik deńgeıi boıynsha 163-shi orynda. Memleket arab elderiniń ishindegi eń kedeıleriniń biri bolyp tabylady, jergilikti turǵyndardyń shamamen 76% - y gýmanıtarlyq kómekke muqtaj.
