Mädeniet jäne sport ministrı Aqtoty Raiymqūlova terminderdı özgertu şaralary turaly äŋgımeledı, dep habarlaidy Sputnik Qazaqstan tılşısı. Ministrdıŋ aituynşa, halyqaralyq terminderdı qazaq tılıne qaitaru üşın terminologiialyq qorǧa monitoring jürgızıldı. Osyǧan orai būryn qazaq tılıne audarylǧan 3 300-nan astam jalpyǧa bırdei qabyldanǧan termin men ūǧym qaita qaralyp bekıtıldı.

"Olardyŋ 300-ge juyǧy – halyqaralyq terminder. Mysaly, "mūrajai" degen söz "muzei" bolatyn boldy. Mūraǧat – arhiv, taǧy sondai-sondai närseler", – dedı Raiymqūlova bügıngı esep beru kezdesuınde.

Būdan bölek, azatjol – abzas, paiyz – prosent, synyp – klass, qūrsym – şina,  teŋgerım – balans, änūran – gimn, mūqammal – inventar, aqau – defekt, şegendeu – demarkasiia, meiramhana – restoran, qimyl – animasiia, al "äleuet" degen söz "potensial" bolyp qaita özgertıldı. "Bügınde "Termincom.kz" saitynyŋ negızınde terminologiianyŋ qazırgı jaǧdaiy men negızgı qaǧidalary turaly aqparattandyru üşın elektrondy platforma ıske qosyldy", - dep atap körsettı Raiymqūlova.

Sputnik.