Qytai töraǧasy Si Szinpin bır top diplomattyŋ qatarynda Auǧanstannyŋ Qytaidaǧy jaŋa elşısınen de senım gramotasyn qabyldady. Būl turaly Qytai syrtqy ıster ministrlıgınıŋ baspasöz qyzmetı jariialady, dep habarlaidy “Adyrna” ūlttyq portaly.
30 qaŋtarda Halyq mäjılıs zalynda ötken saltanatty räsımde 42 eldıŋ elşılerı Si Szinpinge senım gramotalaryn tapsyrdy. Olardyŋ arasynda būryn «Taliban» ükımetınıŋ baspasöz hatşysynyŋ orynbasary qyzmetın atqarǧan Bilal Karimi de bar.
Būǧan deiın Qytai tälıpter bilıkke kelgennen keiın Auǧanstanǧa resmi türde jaŋa elşı taǧaiyndaǧan alǧaşqy el boldy.
Chjao Şen 13 qyrküiekte Kabulda ötken saltanatty şarada Auǧanstannyŋ ıs jüzındegı ükımetınıŋ basşysy Mūhammed Hasan Ahundqa senım gramotasyn tapsyrdy. Qytai bilıgı Chjao Şennıŋ taǧaiyndaluy «Taliban» ükımetın resmi tanuǧa äzırlık belgısı bolyp tabyla ma, joq pa,
«Būl Qytaidyŋ Auǧanstandaǧy elşısınıŋ ädettegı rotasiiasy jäne Qytai men Auǧanstan arasyndaǧy dialog pen yntymaqtastyqty odan ärı damytuǧa baǧyttalǧan. Qytaidyŋ Auǧanstanǧa qatysty saiasaty aiqyn jäne däiektı», - dep atap öttı Qytai Syrtqy ıster ministrlıgı.
Taliban Kabuldy 2021 jyldyŋ 15 tamyzynda basyp alyp, üş aptadan keiın jaŋa ükımettıŋ taǧaiyndalǧanyn jariialady. Bıraq älemnıŋ bırde-bır memleketı būl qozǧalysty Auǧanstannyŋ zaŋdy ükımetı dep resmi türde älı moiyndaǧan joq.
Älemdık qauymdastyq jaŋa bilıkten Auǧanstandaǧy türlı etnosaiasi küşterdıŋ ökılderın, sondai-aq tälıpter kezınde qūqyqtary aitarlyqtai şektelgen äielderdı qamtityn koalisiialyq ükımet qūrudy talap etude. Öz kezegınde tälıpter barlyǧymen jaqsy qarym-qatynasta bolǧysy keletınderın aityp, Europa elderın Kabuldaǧy elşılıkterın qaita aşuǧa şaqyruda.
