Qyrǧyzstan Ministrler kabinetınıŋ töraǧasy Aqylbek Japarov elde bolǧan tötenşe jaǧdaiǧa bailanysty şūǧyl türde Almatydan Bışkekke ūşyp kettı, dep habarlaidy «Adyrna» tılşısı.
Ol Qazaqstanǧa Euraziialyq ükımetaralyq keŋestıŋ otyrysyna qatysu üşın kelgen edı. Alaida Bışkektegı jylu elektr ortalyǧynda bolǧan apatqa bailanysty saparyn üzuge mäjbür boldy.
Qyrǧyzstannyŋ Densaulyq saqtau ministrlıgınıŋ mälımetınşe, apattan 5 adam zardap şekken. Qazır olardyŋ ekeuı jansaqtau bölımınde jatyr. Tötenşe jaǧdai saldarynan Bışkektegı mektepter men balabaqşalar onlain oqytuǧa köştı.
Aita keteiık, 1 aqpanda Aqylbek Japarov Qazaqstan premer-ministrı Älihan Smaiylovpen kezdesıp, strategiialyq ärıptestıktı odan ärı damytu mäselelerın talqylady.
