Arqada alty ai aiaz bolsa da, Astananyŋ qysy bärıbır ädemı. Bıraq tabiǧaty tamsandyrǧanymen qardyŋ jauuy qala tūrǧyndaryn edäuır äbıgerge salyp qoiatyny taǧy ras. Älbette aulalar omby qarǧa tolyp, köşeler köktaiǧaqqa ainalmas üşın kommunaldyq qyzmetter de 24/7 rejimınde jūmys ısteidı.
Qalany qardan tazartu jūmysyna orta eseppen kün saiyn 2,5 myŋnan astam jol jūmysşy men 1,5 myŋnan astam arnaiy tehnika jūmyldyrylady eken. Al bır audanǧa şe?
- Bır ǧana “Saryarqa” audanynda qar tazalau jūmystaryna bır künde 623 jol jūmysşysy jäne 285 arnaiy tehnika jūmyldyrylady. Onyŋ özındık tärtıbı bar. Mäselen, audannyŋ barlyq aumaǧyndaǧy qar bır uaqytta bırdei jinalady. Bekıtılgen algoritm boiynşa, qar jauǧanda aldymen äleumettık nysandarǧa aparar jol, jaiau jürgınşıler joldary, tūrǧyn üilerge kırıp-şyǧu joldary, aialdamalar maŋy, basty köşeler tazalanady. Qardy jinap alǧan soŋ kelesı kezekte avtomobil joldaryna, jaiau jürgınşıler trotuarlaryna qūm-tūz qospasy sebıledı. Būl mūzdyŋ eruıne septıgın tigızıp, tūrǧyndardyŋ qozǧalysyn jeŋıldetedı. Odan keiın erıp, qaita qata bastaǧan mūz qaldyqtaryn tazalaimyz. Sondai-aq, tūrǧyndar äleumettık jelıler men Ikomek jedel qyzmetıne qar tazalau turaly öz ötınışterın qaldyra alady. Mūndai kezde dereu nazar audarylyp, qosymşa tazalau jūmystary jürgızıledı, - dedı “Saryarqa” audany äkımınıŋ orynbasary Erjan Jūmaǧūlov.
Qys bastalǧaly bır ǧana “Saryarqa” audanynan 700 myŋ tekşe metrden astam qar şyǧarylypty. Onyŋ barlyǧy arnaiy poligonǧa jöneltıledı. Aita ketetın närse, är audannyŋ qar tögetın öz poligony bar. Bır ǧana “Saryarqa” audanynda 22 merdıgerlık ūiym jūmys ısteidı.
- Ekı rejimde jūmys ısteimız. Kündızgı auysym taŋǧy 6-da bastalyp, 16:00-ge deiın, ärı qarai tüngı auysym taŋǧy 4-ke deiın qar tazalaidy. Qar tazalaǧanda aldymen basty köşelerde 7 tehnikadan tūratyn joltazalaǧyş maşinalar kolonasy ötedı. Sosyn jol jiegıne ysyrylǧan qardy tiegış tehnika arqyly artyp, poligonǧa tasimyz. Al jaiau jürgınşıler jolyn tazalauǧa arnaiy şaǧyn traktorlar jūmyldyrylǧan. Sondai-aq, tehnika kıre almaityn jerlerdı jūmysşylar kürekpen tazalaidy. Tūrǧyn üi aulalaryna keletın bolsaq, är mekenjaidy tazalaityn jūmys kestesı aulalarda ılıngen. Kestege säikes tolyq qardan tazartu jūmystaryn jürgızemız. Degenmen, qalyŋ qar tüskende aldymen aulalarǧa kıru-şyǧu joldarynyŋ boluyn qamtamasyz etuge tyrysamyz, da jalpy tazalau jūmystaryna köşemız, - dedı “Abat Servis” merdıgerlık kompaniiasynyŋ menedjerı Däulet Säduaqasov
Qar tazalau jūmystaryna qala tūrǧyndarynyŋ da köŋılderı tolady. Köpşılıgı tüsınıstıkpen qarauda.
- Aulamyzdy jiı tazalaidy. Özım K. Baiseitova, 8 mekenjaiy boiynşa tūramyn. Keide tünde kelıp tazalap ketetın kezder de bolady. Kışkene yŋǧaisyzdyqtar tuyndaǧanmen taŋerteŋ tap-taza bolyp tūrady. Jūmysqa barar jolda da kommunaldyq qyzmetkerlerdıŋ tynymsyz jūmysyn baiqaimyn. Negızı bızdıŋ audanda ärqaşan taza. Jol tazalaityn kısılerge küş-quat tıleimın, - dep qala tūrǧyny Naǧima Satenova öz pıkırın bıldırdı.
