Osydan 84 jyl būryn ǧalym-ädebiettanuşy, Qazaqstannyŋ halyq jazuşysy, filologiia ǧylymdarynyŋ kandidaty Mūhtar Maǧauin düniege keldı.
Mūhtar Mūqanūly 1940 jyly 2 aqpanda Semei oblysynyŋ Şūbartau audanynda tuǧan. 1962 jyly Qazaq memlekettık universitetınıŋ filologiia fakultetın, 1965 jyly onyŋ aspiranturasyn bıtırgen.
Eŋbek jolyn 1965 jyly bastady. «Qazaq ädebietı» gazetınde bölım meŋgeruşısı, 1967-1971 jyldary «Jazuşy» baspasynda bas redaktordyŋ orynbasary, Qazaq KSR Ǧylym akademiiasynyŋ M.Äuezov atyndaǧy Ädebiet jäne öner institutynda aǧa ǧylymi qyzmetkerı boldy. Mäskeude M.Gorkii atyndaǧy Ädebiet institutynda qazaq folklory men qazaq ädebietı tarihy boiynşa arnaiy leksiialyq kurstar jürgızdı.
1965-1986 jyldary «Qazaq ädebietı» gazetınde bölım meŋgeruşısı, «Jazuşy» baspasynda, «Jalyn» almanaǧynda bas redaktordyŋ orynbasary, Ädebiet jäne öner institutynda, QazPİ-da aǧa ǧylym qyzmetker, dosent, «Jazuşy» baspasynda bas redaktor qyzmetterın atqardy. «Keşqūrym» atty tūŋǧyş äŋgımesı «Jūldyz» jurnalynda jariialandy.
Är jyldary «Aqşa qar», «Bır atanyŋ balalary», «Qiiandaǧy qystau», «Kök kepter» äŋgıme, povester jinaqtary men «Kök mūnar», «Şaqan şerı» romandary jaryq kördı. Sondai-aq qazaq halqynyŋ körşı memlekettermen diplomatiialyq qarym-qatynasy tarihi-körkemdık tūrǧydan tūŋǧyş ret surettelgen «Alasapyran» tarihi roman-dilogiiasy, «Men» ǧūmyrbaiandyq roman-hamsasy, «Qūmyrsqa-qyrǧyn» äŋgımeler jinaǧy, «Ūltsyzdanu ūrany» maqalalar jinaǧy jäne taǧy basqa kıtaptary da oqyrmanǧa jol tartty.
