2024 jyldyń 1 mamyrynan bastap elorda áýejaıynda ushý-qoný jolaǵyn kúrdeli jóndeýge baılanysty túngi reısterge shekteýler engiziledi, dep habarlaıdy “Adyrna” ulttyq portaly.
Kúrdeli jóndeý 2024 jyldyń 1 mamyrynan 24 jeltoqsanyna deıin túngi ýaqytta, jergilikti ýaqyt boıynsha 22:00-den 06:00-ge deıin júrgiziledi. Astana áýejaıynda barlyq túngi reısterdiń ýaqyty ózgeretinin aıtyldy.
"Elorda áýejaıyndaǵy ushý-qoný jolaǵyn kúrdeli jóndeýge baılanysty barlyq túngi reısterdiń ushý/qoný ýaqyty ózgertiledi. Kúrdeli jóndeý jumystary mamyr aıynyń basynan bastap aǵymdaǵy jyldyń sońyna deıin ýchaskelerde júrgiziledi dep josparlanýda", - delingen habarlamada.
Astana áýejaıynan túnde ushýdy josparlaǵan jolaýshylar ushý kestesindegi yqtımal ózgerister týraly bilý úshin áýe kompanııalaryna aldyn ala habarlasýy kerek ekeni atap ótildi.
"Búgingi kúni 100-den astam ushyp-qoný reısi ózgertildi. Jolaýshylar áýe kompanııalarynan reısterdegi ózgeristerdi, naqty ýaqyty pen kúnin anyqtap bilýi kerek", - dep habarlady áýejaıdan.
“Adyrna” ulttyq portaly
