Şuchinsk qalasynyŋ atauy Abylai han bolyp özgere me?

Şuchinsk qalasynyŋ atyn Abylai han dep özgertu turaly söz qozǧalyp jatyr, dep habarlaidy “Adyrna” ūlttyq portaly.

Aqmola oblysy äkımdıgınde ötken brifingte jurnalister marqūm qūrmettı tarihşynyŋ köpten berı aitylyp jürgen Şuchinsk qalasynyŋ atyn Abylai han dep özgertu turaly ūsynysyn sūrap bıldı. «Būl mäsele jan-jaqty talqylanyp, qoǧamdyq tyŋdaulardan keiın – bır adamnyŋ emes, halyqtyŋ köpşılıgınıŋ pıkırın eskergennen keiın şeşılu kerek. Sosyn baryp tiıstı bastama mäslihatqa jıberılıp, şeşım qabyldanady. Al, negızı, kün tärtıbınde eldı mekenderdıŋ ataularyn özgertuge qatysty mūndai mäseleler joq», - dep tüsındırdı Aqmola oblysynyŋ äkımı Marat Ahmetjanov. Būl bastamany 2013 jyly kötergen tarihşy, Qazaqstannyŋ eŋbek sıŋırgen qairatkerı, professor Qadyrjan Äbuev bolatyn. «50 jyl boiy han Abylaidyŋ ştaby Burabai traktınde boldy. Biyl 2013 jyly onyŋ tuǧanyna 300 jyl tolady, osyǧan bailanysty Şuchinsk qalasyn Abylai han qalasy dep özgertu turaly ūsynys jasap otyrmyn», – dep jazǧan edı tarih ǧylymdarynyŋ doktory. Būl mäselege arqau bolǧan tarihi fakt – Burabai kurorty qazaq hany Abylaidyŋ resmi orny bolǧan.

“Adyrna” ūlttyq portaly